Дженнетке ёлны насыл тапмакъ мумкюн

Ваде этильген дженнет къайда оладжакъ?

«Энбийаа» 21-суре 105-аетте биз бойле окъуймыз: «Ант олсун, Зикрден сонъ Зебурда да: „Ер юзюне эйи къулларым варис оладжакъ“, дие язгъан эдик»a.

«Зумер» 39-суре 73 ве 74-аетлерини тенъештирип бакъынъыз.

Эбет, юз йыллар эвель 37-болюк «Зебур» (Псалом) 29-аетинде ваде этильген Дженнет ер юзюнде оладжакъ, деп айтылгъан эди. О ерде: «Адиллер ер юзюни мирас алыр, ве онда эбедий яшарлар», деп язылгъан.

ДЖЕННЕТТЕ ЯШАЙЫШ

Бундан гъайры, Мукъаддес Китапта дженнетте яшайыш насыл оладжагъы икяе этиле.

◆ Инсанлар ве кийик айванлар муаббетликте яшайджакълар: «Къашкъыр къозу иле вакъыт-вакъыт ян-янаша яшайджакъ, леопард эчки баласынен ятаджакъ... ве кучюк огъланчыкъ оларны долаштыраджакъ (Исаия 11:6; Исаия 65:25 тенъештирип бакъынъыз).

◆ Дженклер ве зорбалыкъ бир даа олмайджакъ: «Олар озь къылычларындан сабанлар, мызракъларындан да багъча пычакълары дёгип япаджакълар; миллет миллетке къаршы къылыч котермейджек, ве артыкъ дженклешмеге огренмейджек». (Исаия 2:4; Псалом 46:9 тенъештирип бакъынъыз).

◆ Инсаниетни севги бирлештиреджек: «Севмеген Алланы танымай, чюнки Алланы озю севгидир» (1 Иоанна 4:8).

◆ Бутюн инсанлар ичюн емек боллугъы ве ляйыкъ мескен оладжакъ: «Адамлар эвлер къурып, ичинде яшайджакълар... башкъасы ашасын, деп экмейджеклер» (Исаия 65:21, 22; Псалом 67:6; 145:16 тенъештирип бакъынъыз).

◆ Хасталыкъ ве олюм башкъа олмайджакъ: «О вакъыт Алла оларнынъ козьлеринден эр козь яшыны сюртеджек, ве олюм энди олмайджакъ; не агълав, не ферьят, не агъыры энди ич де олмайджакъ» (Откровение 21:4).

◆ Олюлер тириледжек: «Ойле вакъыт якъынлаша ки, къабирлерде олгъан эр кес онынъ сесини эшитип, чыкъарлар» (Иоанна 5:28, 29).

МУКЪАДДЕС КИТАПКЪА ДЕНЪИШМЕЛЕР КИРМЕДИМИ?

Эр шейге Къудретли Алла бунъа ич де изин бермез эди.

Къур’ан: «Аллаhнынъ келимелерини денъиштире биледжек ич бир кучь де ёкътыр», деп «Эн’аам» 6-суре 34-ает, тасдыкълай.

Мукъаддес Китапта да тамам бойле бильдирюв бар: «От къуруды, чичек солып къалды, лякин Алламызнынъ сёзю эбедиен яшар» (Исаия 40:8).

Базылары Алланынъ Сёзюни денъиштирмеге тырыша эдилер, амма олар буны беджерип оламадылар. Меселя, Иоаннынъ 1-мектюби 5-болюк 7-аетинде бир вакъытлар бойле сёзлер къошулгъан эди: «Кокте: Баба, Сёз ве Мукъаддес рух; ве бу учю бирдир».

Бу сёзлер Мукъаддес Китапнынъ ич бир къадимий къолъязмасында ёкъ; оларны сонъра къоштылар Алла учь юзьлю деген ялан окъувгъа къолтутмакъ ичюн. Лякин алимлер бу сёзлер уйдурма олгъаныны билип, Мукъаддес Китапнынъ земаневий терджимелеринден бу сёзлерни чыкъаралар.

Бугунь музейлерде Мукъаддес Китапнынъ чокъ къолъязмаларыны корьмек мумкюн, ве олар Къурандан дёрт-беш асыр къадимийдир. Земаневий Мукъаддес Китапны эски къолъязмаларынен тенъештиргенде корюнип тура ки, онынъ бугуньки тексти, Алла рухландыргъан метининден фаркъы ёкъ.

«Юнус» 10-суре 94-аетини тенъештирип бакъыныз: «Эгер санъа эндиргенимизден шубеленсенъ сенден эвель Китапны (Тевратны) окъугъанлардан сора».

МУКЪАДДЕС КИТАП АКЪКЪЫНДА СИЗГЕ НЕ БИЛЬМЕК КЕРЕК

◆ Алла — бу екяне акъикъий, ич бир кимсеге тенъ кельмеген Къадир Танърыдыр (Второзаконие 6:4; Исаия 44:6).

◆ Огъулларгъа саип олмакъ ичюн Алла бир къадынгъа эвленгенини тюшюнмек — акъылсызлыкътыр (Псалом 36:9; Иов 38:7; Луки 3:38; Бытие 2:7).

◆ Мукъаддес Китап бир де бир инсангъа, я да бир шейге сыгъынувны къатиен махкум эте (шу джумледе путлар ве эйкеллерге). Чюнки сыгъынувгъа тек Алла ляйыкътыр (Матфея 4:10; Левит 26:1; Псалом 115:4—8).

◆ Алла — бутюн инсаниетнинъ Раббисидир,ве онынъ Сёзю эписи инсанлар: эм эр адам, эм де къадынлар ичюн язылгъандыр (Бытие 22:18; 1 Тимофею 2:4; Эфесянам 5:33).

◆ Алла-Тааля ваде эткен дженнетине кечмемиз, бизим аслымыз, миллетимиз я да ана-бабадан асабалыкъкъа алгъан динимизге багълы дегиль (Деяния 10:34, 35; Откровение 7:9, 10).

◆ Мукъаддес Китап тюшюнджеге чагъыра ве джаилликке къаршы чъыкъа (Притчи 2:3—6; Псалом 119:33, 34).

БИЗ АЛЛА ДЖЕННЕТИНИНЪ БОСАГЪАСЫНДА ТУРАМЫЗ — БУ КЪАЙДАН МАЛЮМ?

Келеджекни тек бир Алла биле ве о озь Сёзюнде белли бир вакъиалар оладжагъыны эвельден бильдирди. Олар бизге Дженнет якъын олгъан аляметлерини бильдирелер.

Мына бу вакъиаларнынъ тек базы бирлери:

◆ Дженклер, зельзелелер, эпидемиялар ве ачлыкъ (Луки 21:10, 11).

◆ Къанунсызлыкъ (Матфея 24:12).

◆ Нефисхорлыкъ, ана-бабагъа бойсунмамазлыкъ, диний экиюзьлилиги (2 Тимофею 3:1—5).

Алланынъ эвельден айтылгъан сёзлерини бизим куньлеримизде ерине кельгенини коресизми?

ЭГЕР ДЕ БИЗ АЛЛАНЫНЪ ДЖЕННЕТИНДЕ ЯШАМАГЪА ИСТЕСЕК, НЕ ЯПМАЛЫМЫЗ?

Биз Алла Сёзлерининъ акъикъатыны бильмек керекмиз, чюнки бу бильги гизленген къыйметли байлыкъ иле тенъештириле (Притчи 2:4).

Бундан башкъа, бу бильгенлеримизни омюримизде къулланмакъ зарур, чюнки Яратыджы буюрып айта: «Аят ёлу будыр, онен юрюнъиз» (Исаия 30:21).

Сизге бир даа келип, келишкен къулланма ярдымынен Мукъаддес Китапны музакере этмеге мемнюн оладжамыз.

[Иза]

[Picture Credit Line on page 4]

Starving child: Based on WHO photo by W. Cutting