Psonm

127 Si Zeova pa konstri sa lakaz,

I pour nanryen ki bann travayer i travay dir lo la.

Si Zeova pa vey sa lavil,

I pour nanryen ki gardyen i reste eveye.

 2 I pour nanryen ki ou lev boner,

Ki ou reste ziska tar aswar,

Ki ou travay dir pour ganny ou manze,

Parski i pran swen avek bann ki i kontan e i fer zot dormi byen.

 3 Gete! Bann zanfan* i en leritaz sorti kot Zeova.

Bann zanfan* i en rekonpans.

 4 Bann garson en zonm*

I parey bann fles dan lanmen en zonm for.

Zot* pa pou onte,

Parski zot* pou koz avek bann lennmi kot baro lavil.