Konmans en konversasyon avek sa nouvo lartik

Depi Zanvye 2016, i annan en nouvo lartik ki’n ganny azoute lo dernyen paz Latour Veyer edisyon piblik. Sa nouvo lartik ki annan pour tit “Ki Labib i dir?” in ganny fer pour ed nou konmans en konversasyon lo bann topik baze lo Labib. I preski menm parey avek nou bann trak. I annan en kestyon ki demann sa dimoun son pwennvi, par anba i annan sa ki Labib i dir e apre i annan lezot pwen ki nou kapab diskite avek sa dimoun.

Souvan ler en proklanmater i ganny en bon konversasyon baze lo Labib, sa i ed li konmans en letid Labib. Alor annou servi sa nouvo lartik e ed plis dimoun trouv larepons zot bann kestyon baze lo Labib.​—Mt 5:6.

1. Demann sa met lakour son lopinyon lo enn sa bann kestyon

2. Ekoute e pran kont son larepons

3. Lir sa verse anba kot i ekri “Ki Labib i dir” e demann li ki i panse lo sa verse. Si i annan letan, servi en pwen anba kot i ekri “Kwa ankor ki nou kapab aprann dan Labib?” pour kontiny sa konversasyon

4. Ofer sa magazin

5. Fer laranzman pour retournen e diskit sa dezyenm kestyon