Parol Zeova i vivan

Bann Pwen enteresan dan Liv Ezra

SA LIV Labib i konmans kot Dezyenm Kronik ti arete. Pret Ezra ki ekriven sa liv. I konmans son resi ler Lerwa Siris sorti Pers ti ekrir en let pour les bann Zwif ki ti egzile Babilonn retourn se zot. E i termin ler Ezra ti’n pran bann pa pour pirifye sa bann ki ti’n les zot ganny sali avek bann dimoun dan zalantour. An tou sa liv i kouver en peryod letan 70 zan. Depi lannen 537 ziska 467 A.N.L.

Devant une assistance de 349 personnes, frère John Larson, le surveillant de zone, a prononcé un discours dʼinauguration pour les nouveau locaux aux Seychelles. Ces facilités qui comprennent 5 chambres et 4 grands bureau, permettent aux Béthélites de traduire les publications en créole seychellois. Lors de la journée portes ouvertes, plus de 200 personnes ont visité les nouveau locaux.

Kan i ti pe ekrir sa liv, Ezra ti annan pour bi montre ki mannyer Zeova i akonpli Son promes pour delivre Son pep ki ti egzile Babilonn e pour reetablir vre ladorasyon Zerizalenm. Anfet, Ezra i fer resorti zis bann levennman ki pou atenn sa lobzektif. Liv Ezra i en resi ki fer resorti ki mannyer tanp ti ganny rekonstri e konman ladorasyon Zeova ti ganny reetablir menm si i ti annan lopozisyon, e menm si son pep ti enparfe. Tou sa i enteres nou akoz nou osi nou pe viv dan en letan kot vre ladorasyon pe ganny reetablir. Bokou pe zwenn ansanm pour al lo “montanny Zeova,” e later antye i pros pour “ranpli avek konnesans lo laglwar Zeova.”—Izai 2:2, 3; Abakouk 2:14.

TANP IN GANNY REKONSTRI

(Ezra 1:1–6:22)

Lefe ki lerwa Siris ti’n donn lord pour liber sa pep, apepre 50,000 Zwif ti retourn Zerizalenm anba direksyon Gouverner Zorobabel, oubyen Sesbatsar. Deswit zot ti konmans konstri lotel dan son landrwa apropriye e ofer Zeova bann sakrifis.

Son lannen answit, bann Izraelit ti konmans travay lo fondasyon pour konstri lakaz Zeova. Me bann lennmi ti kontinyen enterfer avek zot travay, e finalman zot ti ganny permisyon pour fer sa travay arete. Profet Agai ek Zekarya ti ankouraz sa pep pour ki zot kontinyen konstri tanp menm si zot ti anba restriksyon. Lefe ki zot bann lennmi ti per pangar zot bezwen fer fas avek lotorite lerwa Siris, alors zot pa ti oze fer plis ki sa. En lanket ki ti ganny fer ofisyelman, ti klerman fer resorti lalwa ki lerwa Siris ti’n met an plas “konsernan lakaz Bondye Zerizalenm.” (Ezra 6:3) Travay ti byen progrese e finalman i ti byen fini.

Larepons pour bann Kestyon lo Labib:

1:3-6—Eski bann Izraelit ki pa ti retourn dan zot pei natal ti mank lafwa? Serten ti’n kapab pa retourn Zerizalenm akoz zot ti reste atase avek zot byen materyel oubyen mank lapresyasyon pour vre ladorasyon. Me sa pa ti leka pour tou dimoun. Premyerman, pour retourn dan zot pei zot ti pou bezwen mars en distans 1,600 kilomet pour kat oubyen senk mwan. Deplis, pour al enstal zot dan en pei ki’n reste dezerte pour 70 zan e pour rekonmans travay konstriksyon, zot ti pou bezwen byen kosto pour kapab fer sa. Alors, mank lafors fizik, lavyeyes ek lobligasyon familyal ti kapab anpes serten retourn dan zot pei.

2:43—Lekel bann Netinim? Zot pa ti bann Izraelit me zot ti servi konman lesklav oubyen minis kot tanp. Parmi zot ti osi annan bann desandans Gibeonnit dan letan Zozye ek lezot ankor ki ‘David ek bann prens ti donn zot pour servi bann Levit.’—Ezra 8:20.

2:55—Lekel bann garson bann serviter Salomon? Zot pa ti bann Izraelit, me selman zot ti ganny bann privilez spesyal dan servis Zeova. I kapab ki zot ti ganny servi konman bann sekreter oubyen bann ki ti kopye lalwa dan tanp oubyen zot ti annan serten plas dan ladministrasyon.

2:61-63—Eski sa Ourim ek Toumim ki zot ti servi kan zot ti bezwen en larepons sorti kot Zeova ti ankor egziste ler zot ti retournen sorti an egzil? Bann ki ti dir ki zot sorti dan desandans bann pret me ki pa ti kapab fer resorti dan ki laliny desandans zot sorti, ti kapab servi sa Ourim ek Toumim pour fourni levidans. Ezra ti dir ki sa i zis en posibilite. Me apard sa, Lekritir pa mansyonn Ourim ek Tourim okenn par. Dapre tradisyon Zwif, zot ti disparet kan Zerizalenm ti ganny detrir an 607 A.N.L.

3:12—Akoz “sa bann zonm aze ki ti’n vwar lakaz Zeova avan” ti plere? Sa bann zonm ti kapab mazin sa zoli tanp ki Salomon ti’n konstri avan sa. Kan zot ti get fondasyon sa nouvo tanp devan zot, i ti paret nanryen konpare avek sa enn ki zot ti konnen avan. (Agai 2:2, 3) Eski zot ti pou kapab konstri en tanp parey sa enn avan? Zot ti’n bezwen santi zot dekouraze, alor larm ti koule dan zot lizye.

3:8-10; 4:23, 24; 6:15, 16—Ki kantite lannen ti pran pour rekonstri tanp? Zot ti travay lo fondasyon tanp an 536 A.N.L., dan dezyenm lannen apre ki zot ti retournen sorti Babilonn. Travay konstriksyon ti arete dan letan Lerwa Artakzerses, an 522 A.N.L. Sa restriksyon ti dire ziska 520 A.N.L., pandan dezyenm lannen ki Daris ti lerwa. Konstriksyon tanp ti konplete pandan sa sizyenm lannen ki i ti pe dirize, savedir an 515 A.N.L. (Vwar sa bwat “Bann Lerwa Pers depi 573 ziska 468 A.N.L.”) Anfet, an tou ti pran 20 tan pour tanp fini konstri.

4:8–6:18 (4:8, not anba lo paz)—Akoz sa bann verse ti ganny ekrir an Arameen? Plizoumwen sa bann verse i bann let sorti kot bann zofisye gouvernman pour bann lerwa, e osi larepons bann lerwa. Ezra ti kopye zot apartir bann dokiman nasyonal ki ti’n ganny ekrir an Arameen. Sa letan i ti sa langaz ki ti ganny servi dan sistenm komers ek gouvernman. Lezot verse dan Labib ki’n ganny ekrir an Arameen i Ezra 7:12-26, Zeremi 10:11, ek Danyel 2:4b–7:28.

Leson pour nou:

1:2. Sa ki Izai ti profetize 200 zan pli boner ti vin vre. (Izai 44:28) Bann profesi dan Parol Zeova i toultan vin vre.

1:3-6. Parey serten Izraelit ki ti kontinyen reste Babilonn, en kantite Temwen Zeova pa kapab antre dan servis aplentan oubyen al servi dan en landrwa kot i annan plis bezwen. Selman, zot siport e ankouraz sa bann ki kapab fer li. Zot fer sa par zot kontribisyon volonter ki ede fer avanse sa travay predikasyon e pour fer disip.

3:1-6. Dan setyenm mwan an 537 A.N.L., (setadir dan mwan Tisri ki ozordi i tonm ant Septanm ziska Oktob) bann Zwif fidel ki ti retourn dan zot pei ti ofer zot premye sakrifis. Dan senkyenm mwan an 607 A.N.L., (mwan Ab ki ozordi i tonm ant Zilyet ziska Out) Lerwa Neboukadnetsar ti antre Zerizalenm e met dife partou pour detri sa lavil. (2 Lerwa 25:8-17) Zerizalenm ti reste vid pour 70 zan zis parey i ti’n profetize. (Zeremi 25:11; 29:10) Tou sa ki Parol Zeova i predir, i toultan vin vre.

4:1-3. Bann Zwif fidel ki ti retourn kot zot ti rezet sa posibilite pour fer en lalyans relizye avek bann fo adorater. (Egzod 20:5; 34:12) Pareyman ozordi, bann adorater Zeova pa mel zot avek bann lezot larelizyon.

5:1-7; 6:1-12. Zeova i kapab aranz bann sitiasyon dan lavantaz son pep.

6:14, 22. Kan nou partisip avek devouman dan travay Zeova nou ganny son laprouvasyon ek benediksyon.

6:21. Kan zot ti vwar ki travay Zeova pe progrese, sa ti pous bann Samariten, ki sa letan ti pe viv ansanm avek bann Zwif, ek bann Zwif ki ti’n les zot ganny enfliyanse par bann payen, pour fer sanzman dan zot lavi. Pa nou devret partisip avek devouman dan sa travay ki Bondye in donn nou, ki enkli pres sa mesaz Rwayonm!

EZRA I ARIV ZERIZALENM

(Ezra 7:1–10:44)

Senkant an in pase depi ki sa nouvo lakaz Zeova ti ganny inogire. Nou dan lannen 468 A.N.L. Ansanm avek lezot dimoun dan pep Bondye e osi avek larzan ki ti’n ganny kontribye, Ezra ti sorti Babilonn pour al Zerizalenm. Ki i ti vwar Zerizalenm?

Bann prens ti dir Ezra: “Sa pep Izrael ek bann pret ek Levit pa’n separ zot avek bann move keksoz ki sorti parmi bann pep lo later.” Deplis, ‘bann prens ek asistan sef ti annan en gran rol pour zwe dan tousala.’ (Ezra 9:1, 2) Ezra ti reste ebete. I ti ganny ankouraze pour reste “for e azir.” (Ezra 10:4) Ezra ti koriz sa sitiasyon, e bann dimoun ti byen azir anver bann pa ki i ti pran.

Larepons pour bann Kestyon lo Labib:

7:1, 7, 11—Eski tou sa bann verse i refer avek Artakzerses ki ti fer sa travay konstriksyon arete? Non. Artakzerses i en non oubyen tit ki de lerwa Pers ti gannyen. Enn ti apel Bardiya oubyen Gomata, i ti donn lord pour fer arete konstriksyon tanp an 522 A.N.L. Ler Ezra ti al Zerizalenm sa Artakzerses ki ti pe diriz Pers ti apel Longmen.

7:28–8:20—Akoz bokou Zwif Babilonn pa ti anvi al avek Ezra Zerizalenm? Menm si 60 tan ti’n pase depi ki sa premye group Zwif ti’n retourn se zot, i ti napa bokou dimoun ki ti pe reste Zerizalenm. Pour retourn Zerizalenm ti vedir rekonmans en nouvo lavi dan bann sitiasyon difisil e danzere. Sa letan i ti napa bann keksoz materyel Zerizalenm pour satisfer bann Zwif, ki petet ti pe prospere Babilonn. Sa letan i ti osi danzere pour fer sa vwayaz. Bann ki ti retournen ti bezwen annan lafwa for dan Zeova, devouman pour vre ladorasyon ek kouraz pour zot kapab retourn Zerizalenm. Menm Ezra ti ganny sa lafors akoz Zeova ti avek li. Avek lankourazman sorti kot Ezra, 1,500 fanmiy, petet apepre 6,000 dimoun ti retournen. Apre ki Ezra ti pran linisyativ pour ankouraz lezot, 38 Levit ek 220 Netinim ti retournen.

9:1, 2—Eski i ti vreman danzere pour bann Zwif marye avek bann dimoun sorti dan lezot nasyon? Sa pep ki ti’n retourn dan zot pei ti pou bezwen vey byen ladorasyon Zeova ziska ki Mesi i vini. Marye avek dimoun sorti dan lezot nasyon ti kapab afekte vre ladorasyon. Vi ki serten ti’n marye avek bann ki ador zidol, alors avek letan sa nasyon antye ti pou kapab vin parey bann nasyon payen. Vre ladorasyon ti pou kapab disparet lo later. Si sa ti arive anver ki sennla Mesi ti pou ale? Alors, i pa drol ki Ezra ti soke ler i ti vwar sa ki pe arive!

10:3, 44—Akoz bann zanfan ti ganny mete ansanm avek bann madanm? Si bann zanfan ti reste deryer, i ti pou annan plis sans ki bann madanm ti pou retournen akoz zot zanfan. Normalman bann pti zanfan i bezwen ganny latansyon zot manman.

Leson pour nou:

7:10. Ezra in kit en bon legzanp pour nou konman en etidyan ki ti tre serye e ki ti ansenny avek lefikasite Parol Bondye. Avan ki i ti egzamin Lalwa Zeova, i ti priye pour prepar son leker. Anmezir ki i ti egzamin Lalwa Zeova, i ti port byen latansyon lo sa ki Zeova ti dir. I ti aplik sa ki i ti aprann e i ti fer zefor pour ansenny lezot.

7:13. Zeova i oule ki nou servi li volonterman.

7:27, 28; 8:21-23. Ezra ti toultan donn Zeova loner. Ezra ti senserman sipliy Zeova avan ki i ti fer sa traze danzere pour al Zerizalenm, e i ti pare pour riske son lavi pour laglwar Zeova. I’n kit en bon legzanp pour nou.

9:2. Nou bezwen pran oserye sa lavertisman pour marye selman ‘dan Senyer.’—1 Korentyen 7:39.

9:14, 15. Move frekantasyon i kapab fer nou perdi laprouvasyon Zeova.

10:2-12, 44. Bann ki ti’n pran bann madanm etranze, avek limilite zot ti repantir e koriz zot move fason. Zot latitid ek aksyon i en bon legzanp pour nou.

Zeova i gard son Promes

Pa liv Ezra i annan gran valer pour nou! Egzakteman parey i ti’n profetize, Zeova ti akonpli son promes pour delivre son pep an egzil Babilonn e reetablir vre ladorasyon Zerizalenm. Eski sa pa i ranforsi nou lafwa dan Zeova ek son bann promes?

Reflesir lo bann legzanp ki liv Ezra i fourni. Nou vwar en bon legzanp devosyon anver Bondye delapar Ezra ek bann Zwif ki ti retournen pour partisip dan sa vre ladorasyon ki ti’n ganny reetablir Zerizalenm. Sa liv i osi fer resorti lafwa bann etranze ki ti annan lakrent pour Bondye ek sa bon latitid bann ki ti’n repantir ti demontre. Anfet, parol enspire Ezra i donn nou levidans ki vreman “Parol Bondye i vivan e i annan pisans.”—Ebre 4:12.

[Latab/Portre lo paz 24]

BANN LERWA PERS DEPI 573 ZISKA 468 A.N.L.

Siris Legran (Ezra 1:1) ti mor an 530 A.N.L.

Kanbiz, oubyen Asweris (Ezra 4:6) 530-22 A.N.L.

Artakzerses​—Bardiya oubyen Gomata (Ezra 4:7) 522 A.N.L. (Ganny touye apre ki i ti’n dirize pour zis set mwan)

Daris 1 (Ezra 4:24) 522-486 A.N.L.

Zerses, oubyen Aswerisa 486-75 A.N.L. (Dirize konman vis lerwa avek Daris 1 depi 496-86 A.N.L.)

Artakzerses Longmen (Ezra 7:1) 475-24 A.N.L.

[Not anba lo paz]

[Portre]

Asweris

[Portre lo paz 23]

Siris

[Portre lo paz 23]

En dokiman: Portre in ganny tire par mize Grann Bretanny

[Portre lo paz 23]

Sa dokiman ti fer resorti konman Siris ti fer bann dimoun ki ti an egzil retourn kot zot

[Portre lo paz 26]

Eski ou konnen kwa ki ti fer Ezra ansenny avek lefikasite?