Laʼ lac ñochtan muʼ bʌ i cʼuxbiñob Jehová

¿Chucoch yom mi lac ñochtan jiñi muʼ bʌ i cʼuxbiñob Jehová? Come jiñi muʼ bʌ lac ñochtañob miʼ mejlel i coltañonla chaʼan mi lac mel chuqui wen o mach bʌ weñic (Pr. 13:20). Jumpʼejl ejemplo, jiñi rey Jehoás «tsiʼ mele chuqui wen tiʼ wut Jehová» cheʼ bʌ tsaʼ ajñi yicʼot jiñi ñuc bʌ motomaj Jehoiadá (2 Cr. 24:2, TNM). Pero cheʼ bʌ Jehoiadá tsaʼ chʌmi, Jehoás tsiʼ ñajtʼesa i bʌ ti Jehová tiʼ caj tsiʼ ñochta jiñi mach bʌ weñobic i melbal (2 Cr. 24: 17-19).

Cheʼ ti ñaxam bʌ siglo, jiñi apóstol Pablo tsiʼ laja jiñi congregación bajcheʼ jumpʼejl «colem otot» i jiñi yaʼ bʌ añob tsiʼ laja bajcheʼ «latu» o yan tac bʌ muʼ bʌ i cʼʌjñel ti uchʼel. Lajalonla bajcheʼ jumpʼejl latu ñuc bʌ «i cʼʌjñibal» cheʼ maʼañic mi lac ñochtañob jiñi muʼ bʌ i melob chuqui miʼ tsʼaʼlen Jehová, anquese lac familiajob o hermanojob ti congregación (2 Ti. 2:20, 21). Jin chaʼan, laʼ lac ñochtan jiñi muʼ bʌ i cʼuxbiñob Jehová yicʼot muʼ bʌ i coltañoñobla chaʼan mi lac ñumen melben i yeʼtel.

CHEʼ BɅ TSAʼIX LAʼ QʼUELE JIÑI VIDEO ¿BAJCHEʼ MIʼ MEJLEL LAJ CɅY LAC ÑOCHTAN JIÑI MACH BɅ WEÑOBIC I MELBAL?, JACʼɅ ILI CʼAJTIYA TAC:

• ¿Bajcheʼqui miʼ mejlel ti ochel ti lac tojlel melbalʌl tac mach bʌ weñic?

• ¿Chuqui tsiʼ colta jiñi uxtiquil xñoptʼañob chaʼan miʼ cʌy i ñochtañob jiñi mach bʌ weñobic i melbal?

• ¿Chuqui ti principio miʼ mejlel i coltañonla chaʼan mi lac yajcan ti wen jiñi la camigojob?