Jiñi wocol tac tiʼ caj taqʼuin | ¿Chuqui mi caj i mel jiñi i Yumʌntel Dios?

Yonlel lac piʼʌlob tiʼ pejtelel pañimil, wen wocol miʼ yubiñob chaʼan miʼ tajob taqʼuin chaʼan miʼ chumtʌlob ti jujumpʼejl qʼuin, i wolito i ñumen tsʌtsʼan majlel jiñi i wocolob.

• Jumpʼejl informe tsaʼ jaxto bʌ loqʼui,a miʼ yʌl chaʼan tiʼ petol jiñi pañimil tsaʼ «juʼbi jiñi lac tojol ti jujumpʼejl uw». I mi maʼañic chuqui miʼ mejlel, mach junlajalic mi caj i tajob jiñi taqʼuin i mi caj «i juʼbel bajcheʼ chumulob jiñi xʼeʼtelob yicʼotob i familia».

¿Muʼ ba i mejlel jiñi yumʌlob i tojʼesañob ili wocol chaʼan jiñi taqʼuin?

Jiñi Biblia miʼ taj ti tʼan juntiquil Yumʌl muʼ bʌ caj i tojʼesan tiʼ pejtelel jiñi wocol tac yicʼot cheʼ mach junlajalic an jiñi lac taqʼuin. Mi yʌl chaʼan «jiñi Dios am bʌ ti panchan mi caj i waʼchocon yambʌ Yumʌl», i jin jach mi caj i yuman tiʼ pejtelel jiñi pañimil (Daniel 2:44). Ili yumʌl maʼañic majqui mi caj i bajñel cʌy (Salmo 9:18). Jiñi i Yumʌntel Dios mi caj i yʌqʼuen tiʼ pejtelel jiñi i wiñicob chuqui i cʼʌjñibal bʌ i chaʼañob chaʼan miʼ tajob i tijicñʌyel. Mi caj i laj aqʼuentelob i chobejtʌbal chaʼan i yeʼtelob (Isaías 65:21, 22).