Cʌntesʌntel 8

¿Majquiyob jini i contrajob Dios?

Jini ñaxan bʌ i contra Dios jiñʌch Satanás jini Diablo. Jiñʌch juntiquil ángel tsaʼ bʌ i chañʼesa i bʌ tiʼ tojlel Jehová. Satanás woli ti chʌn wersa tiʼ contra Dios i cabʌl mi pʼojlesan wocol i la ti pañimil. Jiñʌch juntiquil wen jontol bʌ, xlot yicʼot stsʌnsa (Juan 8:44).

Yambʌ ángelob tsiʼ ñochtayob jini Satanás cheʼ tsiʼ chañʼesa i bʌ tiʼ tojlel Dios. Jini Biblia miʼ suben, xiba. Lajal bajcheʼ jini Satanás, jini xibajob jaʼel, i contrajobʌch winicob xʼixicob. Mi mulan i ticʼlan winicob xʼixicob (Mateo 9:32, 33; 12:22). Jehová mi caj i jisan jini Satanás yicʼot i xibajob ti pejtelel ora. Tsʼitaʼ jax cʌyʌl i yorajlel chaʼan miʼ ticʼlan pañimil (Apocalipsis 12:12).

Mi la com cheʼ yamigojonla Dios, mach yomic mi lac mel chuqui yom Satanás. Satanás yicʼot i xibajob mi tsʼaʼleñob Jehová. I contrajobʌch Dios i yomob chaʼan cheʼonla jaʼel. Jini chaʼan, yom mi lac yajcan majqui la com lac chʼujutesan: jin ba Satanás o jin ba Jehová. Mi la com chumtʌl tiʼ pejtelel ora, yom chaʼan mi lac mel chuqui yom Dios. Satanás yujil i lotintel winicob xʼixicob ti chajp ti chajp, i miʼ cʼʌn cabʌl i yac chaʼan miʼ mel. Cheʼʌch bajcheʼ jini miʼ taj i lotintelob yonlel winicob xʼixicob (Apocalipsis 12:9).