CʼAJTIYA TAC CHAʼAN BɅ BIBLIA

Jiñi Biblia miʼ cʌntesañonla chaʼan ti lac pejtelel luʼ xmulilonla come tsaʼ lac toybe jiñi ñaxam bʌ lac tat, Adán. Jin chaʼan, mi lac mel mach bʌ weñic i ti wiʼil mi lac chaʼ ñaʼtan lac bʌ. Jiñi i Yalobil Dios, Jesucristo, tsaʼ chʌmi chaʼan miʼ toj lac mul. Cheʼ tsaʼ chʌmi miʼ coltañonla chaʼan miʼ ñusʌntel lac mul. Ili jumpʼejlʌch lac majtan ti Dios (pejcan Romanos 3:23, 24).

An am bʌ i meleyob tsʌts bʌ mulil i miʼ cʼajtibeñob i bʌ mi Dios muqʼuixto caj i ñusʌbeñob. Pero jiñi Biblia miʼ yʌl: «Jiñi i chʼichʼel Jesús, jiñi i Yalobil, miʼ sʌqʼuesañonla tiʼ pejtelel mulil» (1 Juan 1:7). Cheʼʌchi, Jehová mucʼʌch i ñusan jiñi tsʌts tac bʌ mulil miʼ mucʼʌch lac junyajl cʌy jiñi lac mul (pejcan Isaías 1:18).

Mi la com chaʼan Jehová miʼ ñusan lac mul yom mi laj cʌn bajcheʼ yilal i melbal, baqui bʌ jiñi i ticʼojel yicʼot i mandar tac (Juan 17:3). Jehová mucʼʌch i ñusʌben i mul jiñi muʼ bʌ i chaʼ ñaʼtan i bʌ i miʼ chaʼlen wersa chaʼan miʼ qʼuextan i melbal (pejcan Hechos 3:19).

Mucʼʌch i mejlel lac mel muʼ bʌ i mulan Dios. Miʼ chʼʌmbeñonla i sujm come yujil chaʼan an laj cʼunlel. Jehová an i yutslel yicʼot miʼ pʼuntañonla. ¿Maʼan ba miʼ ñijcañet iliyi chaʼan maʼ cʌn yom bʌ maʼ mel chaʼan wen miʼ qʼuelet? (Pejcan Salmo 103:13, 14).