CɅNTESɅNTEL 18
¿Bajcheʼ miʼ mejlel lac ñaʼtan majquiyob jiñi i sujm bʌ xñoptʼañob?
Yonlel lac piʼʌlob miʼ yʌlob chaʼan xñoptʼañob, pero mach junlajalic chuqui miʼ ñopob yicʼot bajcheʼ yilalob i melbal (chaʼlibal). Cheʼ jiñi, ¿bajcheʼ miʼ mejlel lac ñaʼtan majquiyob jiñi i sujm bʌ xñoptʼañob?
1. ¿Majquiyob jiñi i sujm bʌ xñoptʼañob?
Jiñi xñoptʼañob jiñobʌch muʼ bʌ i tsajcañob Jesucristo (pejcan Hechos 11:26). ¿Bajcheʼ miʼ pʌsob chaʼan tiʼ sujm miʼ tsajcañob? Jesús tsiʼ yʌlʌ: «Mi mucʼʌch laʼ chʌn ajñel tij cʌntesa tac, xcʌntʼañetla c chaʼan tiʼ sujm» (Juan 8:31). Ili yom i yʌl chaʼan jiñi i sujm bʌ xñoptʼañob yom miʼ jacʼbeñob i ticʼojel tac Jesús. Jesús tiʼ pejtelel ora tsiʼ cʼʌñʌ jiñi Tsʼijbujel tac tiʼ cʌntesa, jin chaʼan jiñi i sujm bʌ xñoptʼañob cheʼʌch miʼ melob jaʼel (pejcan Lucas 24:27).
2. ¿Bajcheʼ miʼ pʌsob cʼuxbiya jiñi i sujm bʌ xñoptʼañob?
Jesús tiʼ sube jiñi xcʌntʼañob i chaʼan: «Cʼuxbin laʼ bʌ cheʼ bajcheʼ tsaʼ j cʼuxbiyetla» (Juan 15:12). ¿Bajcheʼ tsiʼ pʌsʌ Jesús chaʼan miʼ cʼuxbin jiñi xcʌntʼañob i chaʼan? Tsiʼ yʌqʼue i yorajlel chaʼan miʼ yajñel yicʼotob, tsiʼ ñuqʼuesʌbeyob i pusicʼal yicʼot tsiʼ coltayob. I tsaʼto i yʌcʼʌ i bʌ ti chʌmel (sajtel) tiʼ cajob (1 Juan 3:16). Jiñi i sujm bʌ xñoptʼañob mach mucʼ jach i yʌlob chaʼan añobʌch i cʼuxbiya, mucʼʌch i pʌsob jaʼel tiʼ tʼan yicʼot tiʼ melbalob cheʼ bajcheʼ tsiʼ mele Jesús.
3. ¿Baqui bʌ jiñi ñuc bʌ eʼtel miʼ melob jiñi i sujm bʌ xñoptʼañob?
Jesús tsiʼ yʌqʼue jumpʼejl eʼtel (troñel) jiñi xcʌntʼañob i chaʼan, «tsiʼ chocoyob majlel chaʼan miʼ subob jiñi i Yumʌntel Dios» (Lucas 9:2). Jiñi ñaxam bʌ xñoptʼañob mach cojach tsiʼ chaʼleyob cʌntesa yaʼ baqui miʼ tempañob i bʌ i chʼujutesañob Dios, tsiʼ chaʼleyob subtʼan jaʼel baqui an cabʌl lac piʼʌlob yicʼot ti ototʌl tac (pejcan Hechos 5:42; 17:17). Ili ora jaʼel, jiñi i sujm bʌ xñoptʼañob miʼ chaʼleñob subtʼan baqui jach miʼ tajob lac piʼʌlob. Miʼ cʼʌñob jiñi i yorajlel añoʼ bʌ i chaʼan yicʼot i pʼʌtʌlelob chaʼan miʼ subob jiñi wen tʼan come miʼ cʼuxbiñob jiñi lac piʼʌlob (Marcos 12:31).
LAʼ LAC ÑUMEN ÑAʼTAN
Laʼ laj qʼuel bajcheʼ qʼuexelob jiñi i sujm bʌ xñoptʼañob yicʼot jiñi yambʌ lac piʼʌlob maʼañic bʌ miʼ jacʼbeñob i cʌntesa tac Jesús yicʼot maʼañic bʌ miʼ lajiñob.
4. Miʼ sʌclañob jiñi i sujmlel am bʌ ti Biblia
Jiñi ñaxam bʌ xñoptʼañob tsiʼ qʼueleyob ti ñuc jiñi i Tʼan Dios.
Mach tiʼ pejtelelobic muʼ bʌ i yʌlob chaʼan xñoptʼañob miʼ chʼʌmob ti ñuc jiñi cʌntesa tac am bʌ ti Biblia. Qʼuelela jiñi VIDEO i tem alʌla iliyi:
An Iglesia tac tsaʼ bʌ i yʌlʌyob chaʼan miʼ poj ñopob Cristo pero tsiʼ ñopoyob i mʌctan jiñi lac piʼʌlob chaʼan maʼañic miʼ cʌmbeñob jiñi i cʌntesa tac Jesús, ¿bajcheʼ tsiʼ meleyob?
Jesús tsiʼ pʌsʌ jiñi i sujmlel am bʌ tiʼ Tʼan Dios. Pejcanla Juan 18:37 i tem alʌla iliyi:
Cheʼ bajcheʼ tsiʼ yʌlʌ Jesús, ¿bajcheʼ miʼ mejlel lac ñaʼtan majquiyob jiñi xñoptʼañob muʼ bʌ i coltañob i sujmlel?
5. Miʼ subob muʼ bʌ i yʌl jiñi Biblia
Jiñi ñaxam bʌ xñoptʼañob tsiʼ chaʼleyob subtʼan.
Cheʼ bʌ Jesús muqʼuix caj i letsel majlel ti panchan, tiʼ sube jiñi xcʌntʼañob i chaʼan chaʼan miʼ melob jumpʼejl eʼtel wolito (choncolto) bʌ i bej mejlel ili ora. Pejcanla Mateo 28:19, 20 yicʼot Hechos 1:8, i tem alʌla iliyi:
¿Baqui jaxʌl mi caj i cʼotel jiñi subtʼan yicʼot bajcheʼ cʼamel mi caj i jalʼan?
6. Miʼ melob cheʼ bajcheʼ miʼ yʌlob
¿Chuqui tsiʼ yʌqʼue i ñaʼtan juntiquil wiñic i cʼabaʼ Tom chaʼan tsiʼ taja jiñi i sujmlel? Qʼuelela jiñi VIDEO i tem alʌla iliyi:
¿Chucoch Tom maʼañic tsiʼ mulaj i melbal jiñi ñopbalʌl tac?
¿Chuqui tsiʼ yʌqʼue i ñaʼtan chaʼan tsiʼ taja jiñi i sujmlel?
Jiñi muʼ bʌ la cʌl yom mi lac pʌs ti lac melbal. Pejcanla Mateo 7:21 i tem alʌla iliyi:
¿Chuqui miʼ ñumen qʼuel ti ñuc Jesús, jimba cheʼ mi la cʌl chuqui mi lac ñop o cheʼ mi lac pʌs ti lac melbal?
7. Miʼ cʼuxbiñob i bʌ
Jiñi ñaxam bʌ xñoptʼañob tsiʼ pʌsbeyob i bʌ cʼuxbiya.
Maʼañic miʼ bʌcʼñañob chʌmel chaʼan miʼ coltañob i yermañujob. Qʼuelela jiñi VIDEO i tem alʌla iliyi:
¿Chucoch jiñi hermano Lloyd colel i yʌcʼ i bʌ ti chʌmel chaʼan miʼ coltan jiñi hermano Johansson?
¿Tsaʼ ba i pʌsʌ maʼ wʌl chaʼan i sujm bʌ xñoptʼan?
Pejcanla Juan 13:34, 35 i tem alʌla iliyi:
¿Chuqui yom miʼ pʌsob jiñi xcʌntʼañob i chaʼan Jesús tiʼ tojlel jiñi lac piʼʌlob qʼuexeloʼ bʌ i colorlel i pʌchʌlel o i lumalob?
¿I bajcheʼ mi caj i mejlel i melob jiñi cheʼ bʌ woli jumpʼejl guerra?
AN MUʼ BɅ I YɅLOB: «Jiñi muʼ bʌ i ñopob lac Yum an i meleyob mach bʌ weñic, ¿bajcheʼqui miʼ yʌlob chaʼan añob tiʼ sujmlel?».
¿Chuqui ti texto miʼ mejlel a pejcʌben juntiquil lac piʼʌl chaʼan maʼ pʌsben majquiyob jiñi i sujm bʌ xñoptʼañob?
TSAʼ BɅ LAJ CɅÑɅ
Jiñi i sujm bʌ xñoptʼañob miʼ melob chuqui miʼ yʌl jiñi Biblia, cabʌl chuqui miʼ melob chaʼan miʼ pʌsbeñob cʼuxbiya jiñi yambʌlob yicʼot miʼ chaʼleñob subtʼan.
¿Chuqui tsaʼ cʌñʌ?
¿Baqui chucul i cʌntesa jiñi i sujm bʌ xñoptʼañob?
¿Baqui bʌ jiñi melbalʌl muʼ bʌ i yʌcʼ ti cʌjñel jiñi i sujm bʌ xñoptʼañob?
¿I chuqui ti eʼtel miʼ melob?
CɅÑɅ YAN TAC BɅ
Cʌñʌ junmojt quixtañujob muʼ bʌ i chaʼleñob wersa i lajibeñob i melbal Jesús yicʼot chaʼan miʼ jacʼbeñob i cʌntesa tac.
Pejcan bajcheʼ juntiquil xʼixic monja bʌ ti ñaxan tsiʼ taja «jiñi i sujm bʌ i familia».
Qʼuele bajcheʼ jiñi i sujm bʌ xñoptʼañob miʼ pʌsob chaʼan miʼ cʼuxbiñob i yermañujob cheʼ bʌ yomob coltʌntel.
Mij coltan jiñi lon quermañujob cheʼ bʌ miʼ ñumel jumpʼejl tsʌts bʌ wocol (I xujtʼil) (3:57)
Jesús tsiʼ yʌlʌ bajcheʼ yilalob i melbal jiñi xcʌntʼañob i chaʼan. Qʼuele bajcheʼ tsiʼ pʌsʌyob tsaʼ bʌ i yʌlʌ Jesús jiñi ñaxam bʌ xñoptʼañob yicʼot bajcheʼ woliʼ pʌsob jiñi i sujm bʌ xñoptʼañob ili ora.