«Chʌcʌ qʼuele laʼ bʌ»

25:1-12

Anquese jiñi lajiya tsaʼ bʌ i yʌlʌ Jesús chaʼan jiñi lujuntiquil xchʼocob i chaʼañʌch jiñi xcʌntʼañob bombiloʼ bʌ, tiʼ pejtelel xcʌntʼañob miʼ mejlel i tajob i wenlel jaʼel (w15-S 15/3 i yopol 12-16). «Chʌcʌ qʼuele laʼ bʌ cheʼ jini, come mach laʼ wujilic baqui bʌ qʼuin baqui bʌ ora miʼ tilel» (Mt. 25:13). ¿Mejl baʼ tsictesan ili lajiya?

• Jiñi xñujpuñijel (versículo 1): Jesús.

• Jiñi xchʼocob añoʼ bʌ i ñaʼtʌbal o chajpʌbiloʼ bʌ (versículo 2): Jiñi bombilob chajpʌbiloʼ bʌ chaʼan miʼ melob ti tsʼʌcʌl i yeʼtel yicʼot miʼ tsictiyelob i sʌclel cʼʌlʌl tiʼ jilibal pañimil (Fil. 2:15).

• Tsaʼ ubinti tʼan: «Ubix tilel xñujpuñijel» (versículo 6): Cheʼ bʌ miʼ pʌs i bʌ Jesús.

• Jiñi xchʼocob maʼañobic bʌ i ñaʼtʌbal (versículo 8): Jiñi bombilob muʼ bʌ i loqʼuel i tajob jiñi novio, pero mach yʌxʌlobic i yo yicʼot mach xucʼulic miʼ yajñelob.

• Jiñi xchʼocob añoʼ bʌ i ñaʼtʌbal maʼañic miʼ tʼoxob i cas (versículo 9): Cheʼ bʌ jiñi xucʼul bʌ xñoptʼañob bombiloʼ bʌ miʼ yʌqʼuentelob jiñi cojix bʌ sello, maʼañix mi caj i mejlel i coltañob jiñi mach bʌ xucʼulobic.

• «Tsaʼ tili xñujpuñijel» (versículo 10): Jesús miʼ tilel chaʼan miʼ chaʼlen meloñel yicʼot jisaya cheʼ bʌ miʼ yujtel jiñi ñuc bʌ wocol.

• Jiñi xchʼocob añoʼ bʌ i ñaʼtʌbal miʼ yochelob yicʼot jiñi xñujpuñijel tiʼ qʼuiñijel i miʼ ñujpʼel jiñi puerta (versículo 10): Jesús miʼ tempan yaʼ ti panchan jiñi bombilob xucʼul bʌ tsaʼ ajñiyob, pero jiñi mach bʌ xucʼulobic maʼañix miʼ tajob i majtan.