5. Jehová an chuqui miʼ pijtan tiʼ tojlel i yamigojob

Lʌcʼʌ tiʼ pejtelel ora an chuqui mi lac pijtan tiʼ tojlel la camigojob.

• ¿Chuqui maʼ pijtan jatet tiʼ tojlel a wamigojob?

Pejcanla 1 Juan 5:3 i tem alʌla iliyi:

• ¿Chuqui miʼ pijtan Jehová tiʼ tojlel i yamigojob?

Chaʼan mi lac jacʼben i tʼan Jehová yom mi laj qʼuextan lac melbal yic’ot bajcheʼ yilalonla. Pejcanla Isaías 48:​17, 18 i tem alʌla iliyi:

• ¿Chucoch Jehová miʼ cʼajtiben jiñi i yamigojob chaʼan yom miʼ qʼuextañob i melbal?

Mi a wom a chʼʌmjaʼ, ñaxan yom maʼ cʌn Jehová yicʼot yom maʼ wen ñop tiʼ tojlel (pejcan Hebreos 11:6). Cheʼ bʌ maʼ ñumen taj a ñaʼtʌbal yicʼot a ñopoñel mi caj a ñumen cʼuxbin Jehová. I mi caj i coltañet chaʼan maʼ mulan subtʼan yicʼot chaʼan maʼ mel muʼ bʌ i yʌl jiñi Biblia (2 Timoteo 4:2; 1 Juan 5:3). Cheʼ bʌ juntiquil lac piʼʌl cheʼix chumul «cheʼ bajcheʼ yom Jehová» muqʼuix caj i mulan i yʌcʼ i bʌ tiʼ tojlel yicʼot i chʼʌmjaʼ (Colosenses 1:​9, 10).a

Laʼcu lac ñaʼtan chaʼan woli (choncol) a sujpʼel ti jaʼ i an majqui miʼ cʼotel i coltañet. ¿Muʼ ba caj i ñajʌyel a chaʼan jiñi tsaʼ bʌ i mele ti a tojlel? ¿O mi caj a ñaʼtan bajcheʼ miʼ mejlel a pʌsben chaʼan maʼ qʼuel ti ñuc jiñi tsaʼ bʌ i mele?

Joñonla an lac bet tiʼ tojlel Jehová come tsiʼ coltayonla. Pejcanla 1 Juan 4:​8-​10 i tem alʌla iliyi:

• ¿Chucoch jumpʼejlʌch ñuc bʌ lac majtan jiñi i cuxtʌlel tsaʼ bʌ i yʌcʼʌ Jesús?

• ¿Bajcheʼ yubil maʼ wubin a bʌ cheʼ a wujil chuqui tsiʼ mele Jehová yicʼot Jesús ti a tojlel?

¿Bajcheʼ miʼ mejlel lac pʌs chaʼan mi laj qʼuel ti ñuc jiñi tsaʼ bʌ i mele Jehová yicʼot Jesús ti lac tojlel? Pejcanla 2 Corintios 5:​15 yicʼot 1 Juan 4:​11; 5:3. Cheʼ bʌ tsaʼix laʼ pejca jiñi versículo tac, tem alʌla iliyi:

• ¿Bajcheʼ miʼ mejlel lac pʌs chaʼan mi la cʌqʼuen wocolix i yʌlʌ Jehová yicʼot Jesús?

Cʼʌlʌl cheʼ bʌ tsaʼ teche ili estudio, ¿muʼ baʼ ñumen cʼuxbin Dios ili ora? ¿A wom ba chaʼan miʼ sujtel ti ñumen wem bʌ a wamigo? Mi cheʼʌchi, cʼajtesan chaʼan mi Jehová miʼ qʼuel chaʼan maʼ ñumen cʼuxbin, mi caj i ñumen cʼuxbiñet jaʼel yicʼot mi caj i cʌntañet. ¿Bajcheʼ miʼ mejlel a pʌsben Jehová chaʼan maʼ cʼuxbin?

1. ¿Bajcheʼ mi lac pʌsben Jehová chaʼan mi laj cʼuxbin?

Cheʼ mi lac jacʼben i tʼan, mi lac pʌsben chaʼan mi laj cʼuxbin (pejcan 1 Juan 5:3). Pero maʼañic miʼ xicʼonla chaʼan mi lac jacʼben i tʼan. Miʼ cʌy chaʼan joñonla mi lac ñaʼtan mi la comʌch lac mel o maʼañic. ¿Chucoch? Come Jehová yom chaʼan mi lac jacʼben i tʼan ti jumpʼejl lac pusicʼal (Romanos 6:17). Yom i yʌl, chaʼan Jehová yom chaʼan maʼ jacʼben i tʼan come maʼ cʼuxbin, mach chaʼañic xicʼbilet. Jiñi parte 3 yicʼot 4 tsaʼ mejli chaʼan miʼ coltañet a pʌsben a cʼuxbiya Jehová cheʼ maʼ mel muʼ bʌ i mulan i cheʼ maʼañic maʼ mel muʼ bʌ i tsʼaʼlen.

2. ¿Chucoch wocol miʼ mejlel la cubin chaʼan mi lac pʌsben laj cʼuxbiya Jehová?

«Miʼ taj cabʌl wocol jini toj bʌ» (Salmo 34:19). Ti lac pejtelel mi lac chaʼlen wersa chaʼan maʼañic mi lac mel mach bʌ weñic. I cheʼto jaʼel an i tajol maʼañic lac taqʼuin, mi lac ticʼlʌntel i mi lac ñusan yan tac bʌ wocol. Cheʼ bʌ woli (choncol) lac ñusan tsʌts tac bʌ wocol, ñumen wocol mi la cubin chaʼan mi lac jacʼben i tʼan Jehová. Pero cheʼ maʼ chaʼlen wersa a mel muʼ bʌ i yʌl Jehová, maʼ pʌs chaʼan mucʼʌch a wen cʼuxbin. Cheʼ jaʼel maʼ pʌs chaʼan xucʼuletʌch tiʼ tojlel. I Jehová xucʼul mi caj i yajñel ti a tojlel jaʼel i mi caj i cʌntañet (pejcan Salmo 18:25).

4. Tijicñesʌben i pusicʼal Jehová

Pejcanla Proverbios 27:11 i tem alʌla iliyi:

• ¿Bajcheʼ yubil miʼ yubin i bʌ Jehová cheʼ maʼ jacʼben i tʼan yicʼot wen muʼ bʌ a yajcan a mel? ¿Chucoch?

5. Miʼ mejlel a pʌs a xucʼtʌlel ti Jehová

VIDEO: Coltan jiñi ñopol bʌ a chaʼan cheʼ an a contrajintel (5:09)

• ¿Wocol ba maʼ wubin chaʼan maʼ suben yambʌlob chaʼan bʌ Jehová?

• Cheʼ bajcheʼ miʼ yʌl jiñi video, ¿chuqui tsiʼ colta Grayson chaʼan miʼ sʌt i bʌqʼuen?

Mach wocolic mi la cubin chaʼan mi lac pʌs lac xucʼtʌlel ti Jehová cheʼ mi laj cʼuxbin jiñi muʼ bʌ i cʼuxbin yicʼot mi lac tsʼaʼlen jiñi muʼ bʌ i tsʼaʼlen. Pejcanla Salmo 97:10 i tem alʌla iliyi:

• Cheʼ bajcheʼ tsaʼix a cʌñʌ tilel cʼʌlʌl ili ora, ¿baqui tac bʌ miʼ cʼuxbin Jehová? ¿I baqui tac bʌ miʼ tsʼaʼlen?

• ¿Bajcheʼ miʼ mejlel a cʌn a cʼuxbin jiñi wem bʌ yicʼot maʼ tsʼaʼlen jiñi mach bʌ weñic?

6. Cheʼ mi lac jacʼben i tʼan Jehová miʼ coltañonla

Cheʼ mi lac jacʼben i tʼan Jehová jiñʌch ñumen wem bʌ. Pejcanla Isaías 48:17, 18 i tem alʌla iliyi:

• ¿Muʼ baʼ ñop chaʼan Jehová jiñʌch ñumen yujil bʌ chuqui ñumen wem bʌ chaʼañonla? ¿Chucoch cheʼ maʼ ñaʼtan bajcheʼ jiñi?

• ¿Bajcheʼ an i coltayet tilel cheʼ an chʼʌmʌ ili estudio yicʼot cheʼ woli a ñumen cʌn Jehová, jiñi i sujm bʌ Dios?

TSAʼ BɅ LAJ CɅÑɅ

Cheʼ bʌ maʼ jacʼben i tʼan Jehová yicʼot xucʼul maʼ wajñel tiʼ tojlel anquese maʼ ñusan wocol tac, maʼ pʌs chaʼan maʼ cʼuxbin.

¿Chuqui tsaʼ cʌñʌ?

• ¿Chuqui maʼ cʌn tiʼ tojlel Job?

• ¿Bajcheʼ mi caj a pʌsben Jehová chaʼan maʼ cʼuxbin?

• ¿Chuqui mi caj i coltañet chaʼan xucʼul maʼ wajñel tiʼ tojlel Jehová?

CɅÑɅ YAN TAC BɅ

Qʼuele bajcheʼ miʼ mejlel a pʌs a xucʼtʌlel ti Jehová yicʼot ti jiñi congregación.

«Maʼ pʌsben i xucʼtilel a pusicʼal jini xucʼul bʌ i pusicʼal» (16:49)

Qʼuele chuqui tac tsaʼ bʌ i yʌlʌ Satanás.

«Job chʌn xucʼul tsaʼ ajni» (Jini Biblia yicʼot i tʼan, sección 6)

Qʼuele chaʼan jiñi alobob miʼ mejlel i pʌsob jaʼel chaʼan mucʼʌch i cʼuxbiñob Jehová.

¡Tijicñesʌben i pusicʼal Jehová! (8:16)

¿Bajcheʼ miʼ mejlel i pʌsob i xucʼtʌlel ti Dios jiñi xcolelob cheʼ bʌ miʼ subentelob i mel mach bʌ weñic?

¡Miʼ mejlel a ñusan a xicʼol chaʼan mach bʌ weñic! (4:00)