¿Bajcheʼ miʼ mejlel lac chajpan lac bʌ chaʼan i Cʼajtesʌntel i chʌmel Jesús?

Ili jabil ñumen an i yorajlel chaʼan mi lac chajpan lac bʌ ti jiñi i Cʼajtesʌntel i chʌmel Jesús. Mi ili ñuc bʌ tempa bʌ miʼ cʼotel i yorajlel cheʼ ti lunes cʼʌlʌl ti viernes, jiñi tempa bʌ Subtʼan yicʼot Melbalʌl maʼañic mi caj i mejlel, i cheʼ jaʼel mi tsaʼ cʼoti i yorajlel cheʼ ti sábado o domingo maʼañic mi caj i ñusʌntel jiñi discurso yicʼot jiñi Lac Tsictesʌbentel. ¿Chuqui miʼ mejlel lac mel ti jiñi i yorajlel jiñi chaʼpʼejl tempa bʌ maʼan bʌ miʼ cajel? Lajal bajcheʼ ti ñaxam bʌ siglo, ili ora an cabʌl chuqui yom miʼ chajpʌntel chaʼan jiñi ñuc bʌ tempa bʌ (Lc. 22:7-13; km 3/15 1). Ti lac pejtelel yom mi lac chajpan lac pusicʼal. ¿Bajcheʼ miʼ mejlel lac mel?

• Yom mi lac wen ñaʼtan chucoch ñuc i cʼʌjñibal cheʼ mi lac majlel ti ili tempa bʌ (1 Co. 11:23-26).

• Laʼ lac pejcan Jehová ti oración yicʼot mi lac wen tsajin bajcheʼ añonla la quicʼot (1 Co. 11:27-29; 2 Co. 13:5).

• Laʼ lac wen tsajin temaj tac muʼ bʌ i taj ti tʼan chaʼan jiñi i Cʼajtesʌntel i chʌmel Jesús (Jn. 3:16; 15:13).

An xsubtʼañob muʼ bʌ i pejcañob jiñi capítulo tac chaʼan jiñi Biblia yajcʌbil bʌ chaʼan jiñi semana ti jiñi folleto Laʼ lac tsajin jiñi Biblia ti jujumpʼejl qʼuin, cheʼ jaʼel miʼ wen ñaʼtañob. An yambʌ muʼ bʌ i pejcañob jiñi versículo tac yaʼ bʌ miʼ tilel ti jiñi tabla. I yambʌlob miʼ pejcañob temaj tac am bʌ ti Lac tsictesʌbentel muʼ bʌ i taj ti tʼan jiñi i Cʼajtesʌntel i chʌmel Jesús yicʼot chaʼan jiñi cʼuxbiya am bʌ i pʌsbeyonla Jehová yicʼot Jesús. Chuqui jach maʼ cʼʌn a chajpan a bʌ mi caj i coltañet chaʼan maʼ ñumen lʌcʼtesan a bʌ ti Jehová yicʼot tiʼ Yalobil.