Мӗн вӑл мухтав? Библире «мухтав» сӑмах кама та пулин мӗн-мӗн паллӑрах тӑвать, ҫавна пӗлтерет. Иегова израильтянсене Египетран илсе тухнӑ чухне хӑйӗн мухтавне хӑватлӑн кӑтартнӑ. Ҫакна куҫ умне кӑларса тӑратӑр: миллион-миллион ҫын Турӑпа тӗл пулас тесе Синай тӑвӗ патне пуҫтарӑннӑ. Тӑва хура пӗлӗт хупӑрласа илнӗ. Сасартӑк ҫӗр чӗтренсе илнӗ, ҫав вӑхӑтрах, тен, вулкан сирпӗннӗ. Ҫӗр кисреннӗ, ҫиҫӗм ҫиҫнӗ, аслати авӑтнӑ, труба сасси питех те вӑйлӑн илтӗннӗ (Тух. 19:16—18; 24:17; Пс. 67:9). Шухӑшласа пӑхӑр-ха, Иегова хӑйӗн мухтавне ҫапла хӑватлӑн кӑтартнипе израильтянсем мӗн тери тӗлӗнсе-хӑраса ӳкнӗ пулӗ. Хальхи вӑхӑтра эпир ыттисене Иеговӑн тӗлӗнмелле ӗҫӗсем ҫинчен тата унӑн лайӑх енӗсем ҫинчен каласа панипе тата хамӑр мӗн туни Иегова пулӑшнипе кӑна пулса пынине йышӑннипе Турра мухтатпӑр (Ис. 26:12). w25.01 2 с., 2, 3 абз.

Израиль халӑхӗ Пама пулнӑ ҫӗре кайнӑ чухне хӑш-пӗр ятлӑ-сумлӑ ҫынсем Моисея хирӗҫ тӑрса унӑн халӑха ертсе пыма право пурри пирки тавлашма пуҫланӑ. Вӗсем ҫапла каланӑ: «Пӗтӗм халӑх, пурте [Моисей кӑна мар] сӑваплӑ, вӗсем хушшинче Ҫӳлхуҫа!» (Йыш. 16:1—3). Чӑнах та, Турӑшӑн «пӗтӗм халӑх» сӑваплӑ пулнӑ. Анчах та израильтянсене ертсе пыма вӑл Моисея хушнӑ. Моисея тиркенӗ чухне пӑлхавҫӑсем чӑннипе Иеговӑна тиркенӗ. Вӗсем Иеговӑшӑн мар, хӑйсемшӗн тӑрӑшнӑ: влаҫшӑн тата чапшӑн ҫуннӑ. Турӑ пӑлхавҫӑсене тата вӗсем майлӑ тӑнӑ пин-пин ҫынна пӗтернӗ (Йыш. 16:30—35, 41, 49). Хальхи вӑхӑтра та ҫавӑн пекех: кам та пулин Иеговӑн организацийӗ паракан хушусене ним вырӑнне те хумасть пулсан, ҫакӑ Иеговӑна килӗшмест. w24.07 11 с., 11 абз.

Хальхи вӑхӑтра нумайӑшӗ ҫак тӗнче кӗҫех пӗтессе ӗненмеҫҫӗ, эпир ҫавна ӗненнӗшӗн пирӗнтен кулаҫҫӗ те (2 Пётр 3:3, 4). Эпир нумай япалана пӗлместпӗр пулин те, пӗтес вӑхӑт шӑп палӑртнӑ вӑхӑтра килессе тата Иегова хамӑршӑн малалла та тӑрӑшасса пирӗн ҫирӗп ӗненмелле. Унсӑр пуҫне, пирӗн Иегова «шанчӑклӑ та ӑслӑ-тӑнлӑ чура» урлӑ ертсе пынине ӗненмелле (Матф. 24:45). Пысӑк хӗн-асап ҫитсен арҫын тӑвансем пире мӗн-мӗн тумаллине калӗҫ пулӗ. Вӗсене итленипе итлеменнинчен пирӗн пурнӑҫ килӗ. Иеговӑн организацийӗнче ертсе пырас ӗҫе хӑйсем ҫине илнӗ тӑвансене шанма пирӗн халех вӗренмелле. Эпир вӗсем панӑ хушусене халӗ итлеместпӗр пулсан, пуласлӑхра итлӗпӗр-ши вара? w24.09 11 с., 11, 12 абз.