2 “Ne ame* aɖe wɔ nu vɔ̃, ale be mewɔ nuteƒe na Yehowa o,+ eye wòble ehavi le nane si woda ɖe egbɔ,+ alo wobe nedzrae ɖo la me, alo wòfi ehavi alo tafae, 3 alo wòfɔ nane si bú eye wòsẽ nu, eye wòka aʋatso heta nu le nu vɔ̃ siawo dometɔ aɖe si wòwɔ me la,+ nu si wòawɔe nye esi: 4 Ne ewɔ nu vɔ̃ heɖi fɔ la, ekema wòatrɔ nu si wòfi alo nu si wòba ame xɔ alo nu si wòtafa ame xɔ, eɖanye nu ka kee woda ɖe egbɔ o, alo nu búbu, si wòfɔ, 5 alo nu sia nu si me wòda alakpa heta nu le la ayii, eye wòaɖo eteƒe bliboe+ ahatsɔ nua ƒe home me mama ɖe teƒe atɔ̃ ƒe ɖeka akpe ɖe eŋuti. Wòatsɔe ana ame si tɔ wònye le gbe si gbe woɖo kpe edzi be eɖi fɔ.