15 Eye Yehowa ƒe dɔla yɔ Abraham zi evelia tso dziƒo 16 gblɔ be: “Yehowa be, ‘Metà ɖokuinye be,+ esi nèwɔ esia, be mète viwò, wò tenuvi, lam o+ ta la, 17 mayra wò godoo, eye mana wò dzidzimevi* nasɔ gbɔ abe dziƒoɣletiviwo kple ƒutake ene;+ wò dzidzimevi axɔ eƒe futɔwo ƒe duwo* woazu etɔ.+

10 Eye Mawu gblɔ nɛ be: “Ŋkɔwòe nye Yakob.+ Womagayɔ wò be Yakob azɔ o, ke boŋ wò ŋkɔ anye Israel.” Eye wòde asi eyɔyɔ me be Israel.+ 11 Eye Mawu gagblɔ nɛ be: “Nyee nye Mawu Ŋusẽkatãtɔ.+ Dzi nàsɔ gbɔ. Dukɔwo kple dukɔwo ƒe ha gã aɖe ado tso mewò,+ eye fiawo ado tso mewò.*+

13 Elabena esime Mawu do ŋugbe na Abraham la, esi ame aɖeke melolo wui wòatsɔ aka atam o ta la, etsɔ eɖokui ka atam+ 14 gblɔ be: “Mayra wò godoo, eye mana nàdzi asɔ gbɔ ɖe edzi.”+