34 Esia nanye se na mi ɖaa,+ ne woalé avu ɖe Israel-viwo katã ƒe nu vɔ̃wo ta zi ɖeka le ƒe me.”+

Eye wòwɔ abe ale si tututu Yehowa de se na Mose ene.

12 Menye gbɔ̃wo kple nyitsuwo ƒe ʋu ye wòtsɔ ge ɖe kɔkɔeƒe la zi ɖeka ɖe ɣeyiɣiawo katã nu o, ke boŋ eya ŋutɔ ƒe ʋu+ ye, eye wòxɔ ɖeɖekpɔkpɔ mavɔ vɛ na mí.*+

24 Elabena menye kɔkɔeƒe si wotsɔ asi wɔ,+ si nye vavãtɔ la ƒe kpɔɖeŋu,+ ye Kristo yi o, ke boŋ dziƒo ŋutɔŋutɔ wòyi,+ ale be wòado ɖe Mawu ŋkume azɔ le mía ta.+ 25 Eye menye be wòatsɔ eɖokui anɔ nanam enuenu, abe ale si nunɔlagã la tsɔa ʋu si menye eya ŋutɔ tɔ o gena ɖe kɔkɔeƒe la ƒe sia ƒe+ ene o. 26 Ne nenemae la, ekema ahiã be wòanɔ fu kpem enuenu tso xexea ƒe gɔmeɖoanyiɣi.* Ke azɔ eɖe eɖokui fia zi ɖeka ɖe ɣeyiɣiawo katã nu le nuɖoanyiawo* ƒe nuwuɣi, be wòaɖe nu vɔ̃ ɖa esi wòtsɔ eɖokui sa vɔe.+

10 Le eƒe “lɔlɔ̃nu”+ sia nu la, wokɔ mía ŋu to Yesu Kristo ƒe ŋutilã si wotsɔ na zi ɖeka ɖe ɣeyiɣiawo katã nu la dzi.+

2 Vinye lɔlɔ̃awo, mele nu siawo ŋlɔm ɖo ɖe mi, ale be miagawɔ nu vɔ̃ o. Gake ne edzɔ be ame aɖe wɔ nu vɔ̃ la, kpeɖeŋutɔ* le mía si le Fofo la gbɔ, si nye Yesu Kristo,+ dzɔdzɔetɔ la.+ 2 Eye eyae nye avulévɔsa+ ɖe míaƒe nu vɔ̃wo ta,+ gake menye ɖe mía tɔ ɖeɖe ko ta o, ke ɖe xexe blibo la hã tɔ ta.+