7 Yehowa ɖe eɖokui fia Abram eye wògblɔ nɛ be: “Wò dzidzimeviwoe+ matsɔ anyigba sia ana.”+ Eya ta eɖi vɔsamlekpui ɖe afi ma na Yehowa, ame si ɖe eɖokui fiae la.

14 Esi Lot klã ɖa tso Abram gbɔ megbe la, Yehowa gblɔ na Abram be: “Meɖe kuku, fɔ mo dzi nàtsa ŋku tso afi si nèle, eye nàkpɔ dziehe, anyiehe, ɣedzeƒe kple ɣetoɖoƒe gome, 15 elabena anyigba blibo si kpɔm nèle la, wò kple wò dzidzimeviwoe mele etsɔ ge ana tegbee.+

17 Esi Abram xɔ ƒe blaasieke vɔ asieke la, Yehowa ɖe eɖokui fiae eye wògblɔ nɛ be: “Nyee nye Mawu Ŋusẽkatãtɔ la. Zɔ le ŋkunyeme, eye kpɔtsɔtsɔ* aɖeke meganɔ ŋuwò o.

7 “Mawɔ nubabla si le nye kpli wò+ kpakple megbewòviwo dome la dzi le woƒe dzidzimeawo katã me, nubabla mavɔe wòanye, be manye Mawu na wò kple megbewòviwo.