14 eye wòƒonɛ ɖe nuɖagba, nuɖaze alɔeve, gaze alo nuɖaze alɔɖekɛ la me. Nu sia nu si gaflo la he do goe la, nunɔla la tsɔnɛ. Aleae wowɔna ɖe Israel-vi siwo katã vana Silo la ŋu. 15 Azɔ hã, hafi ame si le vɔ sam la natsɔ lãa ƒe ami ado dzudzɔ la,+ nunɔla la ƒe subɔvi va gblɔna nɛ be: “Tsɔ lã vɛ woamè na nunɔla. Mele ɖaɖaa dim o, mumua dim wòle.” 16 Ne amea gblɔ nɛ be: “Na woatsɔ amia ado dzudzɔ gbã,+ emegbe nàtsɔ nu sia nu si dzro wò”* la, egblɔna be: “Kpao, ke boŋ tsɔe nam fifi laa; ne menye nenema o la, matsɔe sesẽe!”