7 Esi fia la le eya ŋutɔ ƒe aƒe* me,+ eye Yehowa na gbɔdzɔe tso eƒe futɔwo katã si me godoo va kpe la, 2 fia la gblɔ na nyagblɔɖila Natan+ be: “Kpɔ ɖa, mele sedertixɔ+ me, ke Mawu vavã la ƒe Aɖaka ya le avɔgbadɔ me.”+ 3 Natan gblɔ na fia la be: “Nu sia nu si le dzi me na wò la, heyi nàwɔe, elabena Yehowa li kpli wò.”+

17 Esime David le eya ŋutɔ ƒe aƒe me* la, egblɔ na nyagblɔɖila Natan+ be: “Kpɔ ɖa, mele sedertixɔ+ me, ke Yehowa ƒe nubablaɖakaa ya le avɔgbadɔ me.”+ 2 Eye Natan gblɔ na David be: “Nu sia nu si le dzi me na wò la, wɔe, elabena Mawu vavã la li kpli wò.”