21 Azɔ Mose do eƒe asi ɖe atsiaƒu la dzi;+ ale Yehowa na ɣedzeƒeya sesẽ ƒo zã blibo la katã hetutu atsiaƒu la ɖe megbe, eye wòna atsiaƒu la gɔme zu ƒuƒuiƒe,+ eye tsi la me ma ɖe akpa eve.+ 22 Eye Israel-viwo zɔ to ƒuƒuiƒe le atsiaƒu la me,+ esime tsia zu abe gli ene le woƒe ɖusime kple miame.+

17 Nunɔla siwo kɔ Yehowa ƒe nubablaɖaka la tɔ ɖi maʋamaʋãe le ƒuƒuiƒe+ le Yordan titina, eye Israel blibo la zɔ to ƒuƒuiƒe+ le tɔa me nɔ yiyim va se ɖe esime dukɔ blibo la katã tso Yordan vɔ.

13 Emegbe etsɔ nyagblɔɖila Eliya ƒe awu+ si ge le eŋu la, eye wòtrɔ yi ɖatɔ ɖe Yordan nu. 14 Eye wòtsɔ Eliya ƒe awu si ge le eŋu la ƒo tsia dzi gblɔ be: “Afi kae Yehowa, Eliya ƒe Mawu la le?” Esi Elisa ƒo tsia dzi la, ema ɖe eve yi ɖusi kple mia me, eye wòtsoe.+