26 Eye Mose va tɔ ɖe asaɖa la ƒe mɔnu gblɔ be: “Ame kae le Yehowa ƒe akpa dzi? Neva gbɔnye!”+ Eye Lewi viwo katã va ƒo ƒu ɖe eŋu. 27 Eye wògblɔ na wo be: “Ale Yehowa Israel ƒe Mawu la gblɔe nye esi: ‘Mia dometɔ ɖe sia ɖe neta eƒe yi. Mitsa le asaɖa la me, miayi tso agbo nu yi agbo nu, eye mia dometɔ ɖe sia ɖe newu nɔvia, ehavi kple exɔlɔ̃.’”+

6 “Ne nɔviwòŋutsu, si nye dawò ƒe vi, alo viwòŋutsu alo viwònyɔnu alo srɔ̃wò lɔlɔ̃a alo xɔ̃wò vevitɔ kekeake,* dze agbagba be yeable nuwò le adzame hegblɔ be, ‘Na míayi aɖasubɔ mawu bubuwo,’+ mawu siwo wò ŋutɔ kple tɔgbuiwòwo mienya o, 7 siwo nye dukɔ siwo ƒo xlã mi, esiwo te ɖe mia ŋu alo esiwo le adzɔge tso mia gbɔ, tso anyigba la ƒe go si me va se ɖe anyigba la ƒe go kemɛ me la, ƒe mawuwo dometɔ aɖewo la, 8 mègalɔ̃ ɖe edzi nɛ alo aɖo toe o,+ eye mègakpɔ nublanui nɛ alo ase veve ɖe enu o, eye mègaɣla eta o; 9 ke boŋ ele be nàwui kokoko.+ Nànye ame gbãtɔ si atso ɖe ewuwu ŋu, eyome dukɔ bliboa hã nakpe asi ɖe ŋuwò.+

5 Ke egblɔ na ame kemɛawo mese be: “Minɔ eyome miatsa le dua me, eye mida nu ame. Miaƒe ŋku megakpɔ nublanui o, eye miaƒe dɔme hã megatrɔ ɖe ame ŋu o.+