13 Yehowa to eƒe nyagblɔɖilawo kple ŋutegakpɔlawo+ katã dzi xlɔ̃ nu Israel kple Yuda be: “Mitrɔ tso miaƒe mɔ vɔ̃wo dzi!+ Milé nye sededewo kple nye ɖoɖowo me ɖe asi, le se siwo katã mede na mia tɔgbuiwo, kple esiwo mede na mi to nye subɔla nyagblɔɖilawo dzi la nu.” 14 Gake womeɖo to o, ke boŋ wosẽ dzi me* abe wo tɔgbui siwo mexɔ Yehowa woƒe Mawu la dzi se o la ene.+

12 “‘Ke azɔ miyi nɔnyeƒe si nɔ Silo,+ afi si mena nye ŋkɔ nɔ tsã,+ ne miakpɔ nu si mewɔe le nye dukɔ Israel ƒe nu vɔ̃ɖi wɔwɔ ta ɖa.’+ 13 Yehowa be, ‘Miewɔa nu siawo katã, togbɔ be meƒo nu na mi zi geɖe,* gake mieɖo to o,+ eye meyɔa mi, gake mietɔna o.+ 14 Eya ta mawɔ aƒe sia si ŋu nye ŋkɔ le,+ si ŋu miele dzi ɖom ɖo,+ kple teƒe sia si metsɔ na mia kple mia tɔgbuiwo la, abe ale si tututu mewɔ Silo ene.+

3 “Yehowa ƒe gbe va nam tso Yuda-fia Yosiya,+ Amon vi ƒe ƒe wuietɔ̃lia me va se ɖe egbe sia, ƒe blaeve vɔ etɔ̃ sɔŋue nye esi mele nuƒoƒo dzi na mi enuenu,* gake miegbe toɖoɖo.+