6 Elabena dukɔ kɔkɔe nènye na Yehowa wò Mawu, eye Yehowa wò Mawu tia wò nèzu eƒe dukɔ kple eƒe nunɔamesi tɔxɛ* le dukɔ siwo katã le anyigba dzi la dome.+

7 “Menye esi miesɔ gbɔ wu le dukɔwo katã dome tae Yehowa lɔ̃ mi, eye wòtia mi ɖo o,+ elabena miawoe le ʋɛ wu le dukɔwo katã dome.+ 8 Ke boŋ esi Yehowa lɔ̃ mi, eye wòwɔ atam si wòka na mia tɔgbuiwo+ dzi la tae Yehowa tsɔ asi sesẽ kplɔ mi dzoe heɖe mi tso kluviƒe me,+ tso Egipte-fia Farao ƒe ŋusẽ* te ɖo.

23 Gake Yehowa ve wo nu, eye wòkpɔ nublanui na wo,+ eye wòtrɔ ɖe wo ŋu le nu, si wòbla kple Abraham,+ Isak+ kple Yakob+ la ta. Medi be yeatsrɔ̃ wo o, eye meɖe wo ɖa le eƒe ŋkuta o va se ɖe egbe sia.