3 Eɖo eŋu na wo be: “Nu ka tae miawo hã miedaa Mawu ƒe se la dzi le miaƒe kɔnyinyiwo ta?+ 4 Le kpɔɖeŋu me, Mawu gblɔ be: ‘Bu fofowò kple dawò,’+ eye be: ‘Woawu ame si dzua* fofoa alo dadaa la.’+ 5 Ke miawo ya miegblɔna be: ‘Ame sia ame si gblɔ na fofoa alo dadaa be: “Nu sia nu si le asinye, si aɖe vi na wò la, nye nunana si metsɔ ɖe adzɔgbe na Mawu” la,+ 6 mele be wòabu fofoa kura o.’ Ale miena Mawu ƒe nya la zu dzodzro le miaƒe kɔnyinyiwo ta.+