Yeremiya
6 Benyamin viwo lee! Misi tso Yerusalem miayi aɖadi sitsoƒe.
Elabena vɔ̃ gbɔna, ɛ̃, gbegblẽ gã aɖe ho tso dziehe gbɔna.+
2 Zion vinyɔnu la ɖi nyɔnu dzetugbe si wowɔ vi na.+
3 Lãkplɔviwo kple woƒe lãhawo aho va.
4 “Midzra ɖo ne míaho aʋa* ɖe eŋu!
Mitso míaɖadze edzi le ŋdɔkutsu dzatsɛ!”
“Baba na mí, elabena zã do vɔ,
Elabena ɣetrɔ ƒe vɔvɔli le kekem ɖe enu!”
5 “Mitso míaɖadze edzi le zã me,
Ne míagbã eƒe mɔ́ sesẽwo.”+
6 Elabena ale aʋakɔwo ƒe Yehowa gblɔe nye esi:
“Milã atiwo, eye miƒu kpo ɖe Yerusalem ŋu.+
Eyae nye du si woabia akɔntae.
Ameteteɖeanyi ɖeɖe sɔŋ koe yɔe.+
7 Ale si vudo nana eme tsi fanae la,
Nenemae wòna eƒe nu vɔ̃ɖi wɔwɔ fa ɖii.
Wose ŋutasesẽ kple gbegblẽ ŋkɔ le eme;+
Dɔléle kple dɔvɔ̃ le ŋkunyeme ɖaa.
8 Oo Yerusalem, kpɔ ɖokuiwò dzi nyuie, ne menye nenem o la, wò nu anyɔ ŋu nam* matrɔ ɖa le ŋuwò;+
Mawɔ wò gbegbe kple anyigba ɖigbɔlo.”+
9 Ale aʋakɔwo ƒe Yehowa gblɔe nye esi:
“Woaxa Israel ƒe ame susɔeawo abe ale si woxaa waintsetse mlɔeawoe ene.
Gado wò asi ɖa abe ame si le waintsetse xam le wainka ŋu ene.”
10 “Ame kae maƒo nu na ahaxlɔ̃ nui?
Ame kae aɖo to?
Kpɔ ɖa! Woƒe to me xe,* eya tae womeléa to ɖe nya ŋu o.+
Kpɔ ɖa! Yehowa ƒe nya zu alɔmeɖenu na wo;+
Medoa dzidzɔ na wo o.
11 Eya ta Yehowa ƒe dɔmedzoe yɔm fũu,
Eléle ɖe dɔme tim.”+
“Trɔe kɔ ɖe ɖeviwo dzi le ablɔ me+
12 Woatsɔ woƒe aƒewo ana ame bubuwo
Hekpe ɖe woƒe agblewo kple wo srɔ̃wo ŋu.+
Elabena mado nye asi ɖe anyigba la dzi nɔlawo ŋu,” Yehowa ye gblɔe.
13 “Elabena wo katã woklẽa ŋu ɖe viɖe madzɔmadzɔ kpɔkpɔ ŋuti, tso ɖeviwo dzi va se ɖe tsitsiawo dzi;+
Tso nyagblɔɖilawo dzi va ɖo nunɔlawo dzi, wo katã wotafaa ame.+
14 Wole nye dukɔ la ƒe gbagbãƒe* ɖɔm ɖo ɖewoɖewoe le gbɔgblɔm be,
‘Ŋutifafa li! Ŋutifafa li!’
Evɔ ŋutifafa aɖeke meli hafi o.+
15 Ðe ŋunyɔnu si wowɔ la na ŋukpe lé woa?
Ŋu mekpe wo kura o!
Womenya ale si woana woƒe mo natsi dãa gɔ̃ hã o!+
Eya ta woatsi aʋatsilawo dome,
Ne mehe to na wo la, woakli nu,” Yehowa ye gblɔe.
16 Ale Yehowa gblɔe nye esi:
“Mitɔ ɖe mɔdogoeƒewo, miakpɔ nu.
Gake wogblɔ be: “Míele edzi to ge o.”+
Gake wogblɔ be: “Míele to lé ge ɖe eŋu o.”+
18 “Eya ta mi dukɔwo, misee!
Eye mi amehawo,
Midze si nu si gbɔna dzɔdzɔ ge ɖe wo dzi.
19 Oo anyigba, see!
Mahe gbegblẽ ava dukɔ sia dzi+
Wòanye woƒe tame vɔ̃ ɖoɖowo me tsonu,
Elabena womelé to ɖe nye nyawo ŋu o,
Eye wogbe nye se* la.”
20 “Nu kae lifi si nètsɔ tso Seba la nye nam,
Eye nu kae gbekee si tso anyigba didi aɖe dzi la awɔ nam?
Miaƒe numevɔsawo medzea ŋunye o,
Eye miaƒe vɔsawo medoa dzidzɔ nam o.”+
21 Eya ta ale Yehowa gblɔe nye esi:
“Kpɔ ɖa, maɖo nu ɖi na dukɔ sia wòakli,
Eye woaklii adze anyi,
Fofowo kple viwo siaa aklii,
Aƒelika kple eƒe zɔhɛ siaa aklii,
Eye wo katã woatsrɔ̃.”+
22 Ale Yehowa gblɔe nye esi:
“Kpɔ ɖa! Dukɔ aɖe tso dziehenyigba dzi gbɔna,
Eye woanyɔ dukɔ gã aɖe tso anyigba ƒe mlɔenuwo.+
23 Woatsɔ da kple akplɔ ɖe asi.
Dukɔ si sẽa ŋuta wònye, eye womekpɔa nublanui o.
Woƒe gbe aɖi hoo abe atsiaƒu ƒe gbeɖeɖe ene,
Eye woado sɔwo.+
Woabla akpa ɖe ŋuwò abe aʋawɔla ene, Oo Zion vinyɔnu.”
24 Míese eŋu nya.
25 Migado yi agble me o,
Eye migato mɔ dzi hã o,
Elabena yi le futɔ la si;
Ŋɔdzi li godoo.
26 Oo, nye dukɔ vinyɔnu,
Ta akpanya,+ eye nànɔ mimlim le dzofi me.
Xa nu eye nàfa avi hehehe abe ame si viŋutsu ɖeka hɔ̃ ku na ene,+
Elabena nugblẽla la gbɔna mía dzi dze ge kpoyi.+
27 “Metsɔ wò* ɖo galólolae le nye dukɔ la dome,
Ne nàdo nu kpɔ tsitotsito,
Ale be nàlé ŋku ɖe woƒe zɔzɔme ŋu, eye nàdoe kpɔ.
Wole abe akɔbli kple gayibɔ ene;
Wo katã wonye nu fitifiti wɔlawo.
29 Yɔxɔmeʋuwo fiã,
Gake tsumi koe do tso woƒe dzo me.
30 Woayɔ wo be klosalo si wogbe,
Elabena Yehowa gbe wo.”+