Psalmowo
Na henɔ la. David ƒe ha.
109 Oo, nye Mawu si mekafuna,+ mègazi kpi o.
2 Elabena ame vɔ̃ɖiwo kple ameblelawo ke nu ɖe ŋunye.
Wotsɔ alakpaɖe ƒo nu tso ŋunye;+
3 Wotsɔ nya veamewo gbɔgblɔ ɖe to ɖem,
Eye wotso ɖe ŋunye, evɔ nyemewɔ naneke hafi o.+
4 Wotsi tsitre ɖe ŋunye ɖe nye lɔlɔ̃ teƒe;+
Ke nye ya manɔ gbedodoɖa dzi.
6 Da ame vɔ̃ɖi ɖe eŋu;
Eye tsitretsiɖeŋula* netɔ ɖe eƒe ɖusime ɖaa.
9 Viawo* nezu tsyɔ̃eviwo,
Eye srɔ̃a nezu ahosi.
10 Viawo* nenɔ tsaglãla tsam anɔ nu biam,
Ne woatso woƒe xɔ gbagbãwo me aɖo abologbe.
11 Fetɔ nexɔ eƒe nuwo katã le esi,*
Eye ame tutɔwo neha eƒe nunɔamesiwo.
12 Ame aɖeke meganyo dɔme nɛ o,
Eye ame aɖeke megave eƒe tsyɔ̃eviwo nu o.
13 Eƒe dzidzimeviwo nu netso;+
Woƒe ŋkɔ netutu ɖa le dzidzime ɖeka me.
14 Yehowa neɖo ŋku tɔgbuiawo ƒe vodada dzi,+
Eye negatutu dadaa ƒe nu vɔ̃ hã ɖa o.
15 Woƒe nu vɔ̃wo nenɔ Yehowa ŋkume ɖaa;
Eye woaɖe nu sia nu si ana woaɖo ŋku wo dzi le anyigba dzi la ɖa.+
16 Elabena meɖo ŋku edzi ve ame nu o,+
Ke boŋ eti wɔnamanɔŋutɔ,+ ame dahe kple ame si ƒe dzi le nu xam la yome
Be yeawui.+
17 Elɔ̃a fiƒoƒo de ame, eya tae fiƒode va edzi ɖo;
Melɔ̃na kura be yeayra ame o, eya tae mexɔ yayra aɖeke o ɖo.
18 Eta fiƒode abe avɔ ene.
Eɖo lãme nɛ abe tsi ene,
Eye wòge ɖe eƒe ƒuwo me abe ami ene.
19 Fiƒode nenɔ abe avɔ si wòtana,+
Kple alidziblanu si wòtsɔna blaa ali dzi ene ɖaa.
20 Esiae nye ame si le tsitre tsim ɖe ŋunye,+
Kple ame siwo le nya vɔ̃wo gblɔm ɖe ŋunye* la, ƒe fetu tso Yehowa gbɔ.
21 Ke wò, Aƒetɔ Dziɖulagã Yehowa,
Wɔ nyui nam le wò ŋkɔ la ta.+
Ðem, elabena wò lɔlɔ̃ si nu metsina o la nyo ale gbegbe.+
23 Nunye le yiyim abe ale si vɔvɔli nu yinae ene;
Woʋuʋum ɖa abe ʋetsuvi ene.
24 Nutsitsidɔ na nye klowo gbɔdzɔ keŋ;
Meɖi ku eye vɔvɔm ko mele.*
25 Mezu alɔmeɖenu na wo.+
Ne wonya kpɔm ko la, woʋuʋua ta.+
26 Oo Yehowa nye Mawu, kpe ɖe ŋunye;
Xɔ nam le wò lɔlɔ̃ si nu metsina o la ta.
27 Ne woadze sii be wò asie wɔ esia;
Be wò, Yehowa, ye wɔe.
28 Woawo neƒo fi de ame, ke wò la, àyra ame.
Ne wotso ɖe ŋunye la, na woaɖu ŋukpe,
Gake na dzi nadzɔ wò subɔla ya.
29 Na ame siwo tsia tsitre ɖe ŋunye la nata vlododo abe avɔ ene;
Eye woado ŋukpe abe awu ene.+
30 Matsɔ nye nu akafu Yehowa ale si dze;
Eye makafui le amehawo dome.+