Yeremiya
30 Yehowa ƒe gbe si va na Yeremiya lae nye esi: 2 “Ale Yehowa, Israel ƒe Mawu la, gblɔe nye esi, ‘Ŋlɔ nya siwo katã magblɔ na wò la ɖe agbalẽ me. 3 Elabena Yehowa be, “kpɔ ɖa, ŋkekewo li gbɔna, esime maƒo nye dukɔ la ƒe aboyomewo, Israel kple Yuda, nu ƒu,”+ Yehowa ye gblɔe, “eye makplɔ wo agbɔe ava anyigba si metsɔ na wo tɔgbuiwo la dzi wòagazu wo tɔ.”’”+
4 Nya siawoe Yehowa gblɔ na Israel kple Yuda.
5 Ale Yehowa gblɔe nye esi:
“Míese vɔvɔ̃ɣli,
Ŋɔdzi li, eye ŋutifafa aɖeke meli o.
6 Meɖe kuku, mibia se, ne miakpɔe ɖa be ɖe ŋutsu dzia vi hã.
Nu ka tae mowo katã fu tititi?
7 Aléle! Elabena ŋkeke ma dzi ŋɔ.*+
Ðeke magasɔ kplii o,
Xaxaɣi wòanye na Yakob.
Gake woaɖee le eme.”
8 Aʋakɔwo ƒe Yehowa be: “Gbe ma gbe la, maŋe kɔkuti le kɔ na wo, matso woƒe kawo, eye womaganye kluvi na amedzrowo* azɔ o. 9 Woasubɔ Yehowa woƒe Mawu kple woƒe fia David, ame si maɖo na wo la.”+
10 Yehowa be: “Ke wò, nye subɔla Yakob, mègavɔ̃ o,
Israel, ŋɔ megadzi wò o.+
Elabena kpɔ ɖa, maɖe wò tso didiƒe,
Eye maɖe wò dzidzimeviwo tso anyigba si dzi woɖe aboyo wo yii la dzi.+
Yakob atrɔ agbɔ, eye woanɔ anyi bɔkɔɔ le dziɖeɖi me,
Eye ame aɖeke mado voɖi na wo o.”+
11 Yehowa be: “Elabena meli kpli wò, be maɖe wò.
Gake matsrɔ̃ amewo le dukɔ siwo katã dome meka wò hlẽ ɖo la me;+
Ke nyematsrɔ̃ amewo le wò ya dowòme o.+
12 Elabena ale Yehowa gblɔe nye esi:
“Gbedada mele nu vevi si wɔ wò la ŋu o.+
Wò abi la mate ŋu aku o.
13 Ame aɖeke made nu eme na wò o.
Gbedada mele wò abiawo ŋu o,
Eye màte ŋu ahaya o.
14 Ame siwo katã lɔ̃a wò vevie la ŋlɔ wò be.+
Womegale diwòm o.
Elabena meƒo wò abe wò futɔe ƒo wò ene,+
Mehe to na wò abe tagbɔsesẽtɔ ene,
Le wò fɔɖiɖi gbogboawo kple wò nu vɔ̃ geɖeawo ta.+
15 Nu ka tae nèle ɣli dom le nu vevi si wɔ wò la ta?
Gbedada mele wò vevesese la ŋu o!
Wò fɔɖiɖi gbogboawo kple wò nu vɔ̃ geɖeawo tae+
Mewɔ nu sia wò ɖo.
Woada adzo ame siwo da adzo wò,
Eye mana woaha ame siwo katã ha wò la.”+
17 Yehowa be: “Mana nàhaya, eye mayɔ dɔ wò abiawo,+
Togbɔ be woyɔa wò be, ame si wonya de gbe,
‘Zion, si dim ame aɖeke mele o’ hã.”+
18 Ale Yehowa gblɔe nye esi:
“Kpɔ ɖa, maƒo Yakob ƒe agbadɔwo me aboyomeawo nu ƒu,+
Eye makpɔ nublanui na eƒe avɔgbadɔwo.
Woagbugbɔ du la atso ɖe eƒe kpo dzi,+
Eye mɔ́ sesẽ la anɔ teƒe si wòle be wòanɔ.
19 Akpedada aɖi le wo nu, eye nukolawo ƒe gbe aɖi tso wo dome.+
20 Viawo anɔ abe ale si wonɔ tsã ene,
Eye eƒe ameha la ali ke sesĩe le ŋkunyeme.+
Eye matu nu kple ame siwo katã te wo ɖe anyi la.+
21 Eƒe bubume anye wo dometɔ ɖeka,
Eye eƒe dziɖula ado tso eme.
Mana wòate va ahagogom.”
“Elabena ame kae ake atse* ate ɖe ŋunye?” Yehowa ye gblɔe.
22 “Mianye nye dukɔ,+ eye manye mia Mawu.”+
23 Kpɔ ɖa! Yehowa ƒe ahom tu le dziku helĩhelĩ me,+
Enye yali sesẽ si abla ɖe ame vɔ̃ɖiwo ƒe ta ŋu kɔtɔɔ.
24 Yehowa ƒe dziku helĩhelĩ la nu mafa o,
Va se ɖe esime wòwɔ nu si wòɖo ɖe dzi me de goe hafi.+
Le ŋkekeawo ƒe nuwuɣi la, miase egɔme.+