Psalmowo

127 Ne Yehowa metu xɔ o la,

Dzodzroe etulawo le agbagba dzem le eŋu.+

Ne Yehowa medzɔ dua ŋu o la,+

Dzodzroe dzɔla le ŋudzɔ.

 2 Dzodzroe miefɔna fɔŋli,

Tsoa hloloe ʋuu va se ɖe fiẽ,

Le abolo si miaɖu la ko ŋuti,

Elabena ekpɔa ame siwo wòlɔ̃na la ƒe hiahiãwo gbɔ na wo, eye wònana wokpɔa alɔ̃ dɔna.+

 3 Kpɔ ɖa! Viŋutsuwo* nye domenyinu tso Yehowa gbɔ;+

Vidzidɔ me kutsetse nye fetu tso egbɔ.+

 4 Ale si aŋutrɔwo le kalẽtɔ si mee la,

Nenemae ɖekakpuime viŋutsuwo le.+

Ŋu makpe wo o,

Elabena woate ŋu akpe nya kple futɔwo le dugbo la me.