Psalmowo
Na henɔ la, ɖe “Agudzedzezinɔ”* ƒe gbe nu. David ƒe ha.
22 Nye Mawu, nye Mawu, nu ka ŋuti nègblẽm ɖi?+
Nu ka ŋuti mètsɔ gbɔnye axɔ nam o,
Eye nèle adzɔge ʋĩi esi mele lãgbelãgbe dom?+
2 Oo, nye Mawu, meyɔa wò le ŋkeke me, gake mètɔna nam o;+
Le zã me hã, ɖoɖoe mezina le nunye o.
5 Wòe wodo ɣli na, eye nèɖe wo;
Ŋuwòe woɖo ŋu ɖo, eye ŋu mekpe wo o.+
6 Ke nye la, nyévi ko menye, menye amegbetɔ o,
Amewo ɖea alɔme le ŋunye hedoa vlom.+
8 “Etsɔ eɖokui na Yehowa. Nexɔ nɛ!
Neɖee, elabena eƒe nu nyo eŋu!”+
9 Ke wòe hem tso vidzidɔ me,+
Wòe na menɔ dedie le danye ƒe no nu.
10 Wotsɔm de asi na wò tso esime wodzim;
Wòe nye nye Mawu tso danye ƒe dɔ me ke.
14 Wotrɔm kɔ ɖi abe tsi ene;
Eye nye ƒuwo katã gli le wo kpeƒewo.
17 Mate ŋu axlẽ nye ƒuwo katã.+
Amewo kpɔe, eye wofɔ ŋku ɖe dzinye.
19 Ke wò, Oo Yehowa, mèganɔ adzɔge o.+
Oo, nye ŋusẽ; netsɔ nàva kpe ɖe ŋunye.+
20 Ðem* tso yi nu,
Ðe nye agbe xɔasi la* tso avuwo si me;+
21 Ðem tso dzata ƒe nu me+ kple gbenyiwo ƒe dzowo nu;
Tɔ nam, eye nàɖem.
23 Mi ame siwo vɔ̃a Yehowa, mikafui!
Mi Yakob ƒe dzidzimeviwo katã, mitsɔ ŋutikɔkɔe nɛ!+
Eye mi Israel ƒe dzidzimeviwo katã, mivɔ̃e.
Eye esi wòdo ɣli nɛ be wòaxɔ na ye la, esee.+
25 Makafu wò le ameha gãwo dome;+
Maxe nye adzɔgbeɖefewo le ame siwo vɔ̃nɛ la ŋkume.
Mise vivi le agbe me tegbee.*
27 Anyigba ƒe mlɔenuwo katã aɖo ŋku Yehowa dzi, eye woatrɔ ɖe eŋu.
Dukɔwo ƒe ƒomewo katã ade ta agu ɖe ŋkuwòme.+
28 Elabena Yehowa tɔe nye fianyenye la;+
Eye wòle fia ɖum ɖe dukɔwo dzi.
29 Ame siwo katã nu dze edzi na* le anyigba la dzi aɖu nu ade ta agu ɖe eŋkume;
Ame siwo katã yina ketu me la ava dze klo le eŋkume;
Eye wo dometɔ aɖeke mate ŋu axɔ eɖokui* ɖe agbe o.
30 Woƒe dzidzimeviwo* asubɔe;
Woaƒo nu tso Yehowa ŋu na dzidzime si ava dzɔ la.
31 Woava gblɔ eƒe dzɔdzɔenyenye ŋu nya.
Woagblɔ nu siwo wòwɔ la na wo megbeviwo.