Zefaniya
3 Baba na du si yɔ fũu kple aglãdzedze, ɖiƒoƒo kple ameteteɖeanyi!+
2 Egbe toɖoɖo;+ egbe be yemaxɔ amehehe o.+
Meɖo ŋu ɖe Yehowa ŋu o;+ mete ɖe eƒe Mawu ŋu o.+
3 Eƒe amegã siwo le eme la nye dzata siwo le gbe ɖem.+
Eƒe ʋɔnudrɔ̃lawo nye amegãxi siwo dona le zã me,
Eye wogbãa ƒuwo katã hafi ŋu kena.
4 Eƒe nyagblɔɖilawo doa wo ɖokui ɖe dzi, eye wonye alakpanuwɔlawo.+
5 Yehowa nye dzɔdzɔetɔ le wo dome;+ mewɔa nu gbegblẽ aɖeke o.
Eɖea eƒe ʋɔnudrɔ̃ɖoɖowo fiana ŋdi sia ŋdi,+
Ewɔnɛ alea ɖaa abe ale si ko kekeli dona godoo ene.
Ke ame madzɔmadzɔ menya nu si nye ŋukpe o.+
6 “Metsrɔ̃ dukɔwo; woƒe dzogoedzixɔ sesẽwo zu glikpo.
Mena woƒe ablɔwo ɖi gbɔlo, ale be ame aɖeke megatoa wo dzi o.
Woƒe duwo zu aƒedo, ale be ame vɔ le wo me, ame aɖeke megale wo me o.+
7 Megblɔ be: ‘Àvɔ̃m azɔ, eye àlɔ̃ axɔ amehehe,’*+
Ke wogale nu gbegblẽ wɔwɔ dzi atraɖii.+
8 ‘Eya ta mikpɔ asinyenu,’*+ Yehowa ye gblɔe,
‘Va se ɖe gbe si gbe matso ɖe nuhaha ŋu,*
Elabena nye ɖoɖoe* nye be maƒo dukɔwo nu ƒu, mana fiaɖuƒewo nakpe ta,
Ale be matrɔ nye dziku, nye dɔmedzoe helĩhelĩ la katã, akɔ ɖe wo dzi;+
Elabena nye ŋuʋaʋã ƒe dzo afiã anyigba blibo la.+
9 Ɣemaɣi la, matrɔ dukɔwo ƒe gbegbɔgblɔ wòanye gbegbɔgblɔ dzadzɛ,
Ne wo katã nayɔ Yehowa ƒe ŋkɔ,
10 Nye ame siwo ka hlẽ, siwo le koko ƒom nam la, atsɔ nunana
Tso Etiopia-tɔsisiwo ƒe nuto la me avɛ nam.+
11 Gbe ma gbe la, womado ŋukpe wò
Le nu siwo katã nèwɔ tsɔ dze aglã ɖe ŋunye la ta o,+
Elabena maɖe ame siwo doa wo ɖokuiwo ɖe dzi glodzoo la ɖa le mewò ɣemaɣi;
Eye màgado ɖokuiwò ɖe dzi le nye to kɔkɔe la dzi azɔ gbeɖe o.+
12 Mana ame siwo bɔbɔa wo ɖokui hefa tu la nakpɔtɔ ɖe mewò,+
Eye woatsɔ Yehowa ƒe ŋkɔ awɔ woƒe sitsoƒee.
13 Israel ƒe ame susɔeawo+ mawɔ nu madzɔmadzɔ aɖeke o;+
Womaka aʋatso o, eye womakpɔ alakpaɖe le nu me na wo o;
14 Oo Zion vinyɔnu, tso aseye!
Oo Israel, gli kple dzidzɔ!+
Oo Yerusalem vinyɔnu, kpɔ dzidzɔ, eye nàtso aseye tso dzi blibo me!+
15 Yehowa ɖe wò ʋɔnudɔdrɔ̃ ɖa.+
Ena wò futɔ trɔ.+
Yehowa, Israel-fia la, le dowòme,+
Vɔ̃ aɖeke magadzi ŋɔ na wò azɔ o.+
16 Gbe ma gbe la, woagblɔ na Yerusalem be:
“Mègavɔ̃ o, Oo Zion.+
Wò asiwo megado agblɔ o.
Kalẽtɔ si xɔna na ame wònye.
Akpɔ dzidzɔ ahatso aseye ɖe ŋuwò.+
Azi ɖoɖoe* le eƒe lɔlɔ̃ ta.
Ado dzidzɔɣli ahatso aseye ɖe ŋuwò.
18 Maƒo ame siwo le nu xam, le esi womegakpɔa gome le wò azãɖuɖuwo me o ta la nu ƒu;+
Womenɔ mewò o, elabena eƒe ŋukpe nɔ wo dzi.+
19 Kpɔ ɖa, matu nu kple ame siwo katã le fu wɔm wò la ɣemaɣi;+
Eye maxɔ na ame si le bu tɔm,+
Eye maƒo ame siwo woka hlẽ la nu ƒu.+
Mana woazu kafukafu eye mana woƒe ŋkɔ nanyɔ
Le anyigba siwo katã dzi wodo ŋukpe wo le la dzi.
20 Ɣemaɣi la, maƒo mia nu ƒu,
Ɣemaɣi la, makplɔ mi agbɔe.