Hiob
10 “Nye agbe* le ŋu nyɔm nam.+
Eya ta matrɔ nye dzimaɖitsitsiwo aƒo ɖi bababa.
Maƒo nu le nye vevesese* helĩhelĩ la ta!
2 Magblɔ na Mawu be: ‘Mègabu fɔm o.
Na manya nu si tae nèle nu tum kplim ɖo.
3 Ðe wòaɖe vi aɖe na wò be nàwɔ fu ame,
Be nàgbe nu le wò ŋutɔ wò asinudɔwɔwɔ gbɔ+
Eye nàkpɔ ŋudzedze ɖe ame vɔ̃ɖi boŋ ƒe adaŋudede ŋua?
4 Menye amegbetɔ ƒe ŋkuwoe le asiwò o ɖe!
Alo ɖe nèkpɔa nu abe ale si amegbetɔ kpɔa nui enea?
5 Ðe wò ŋkekewo le abe amegbetɔ ƒe ŋkekewo enea,
Alo ɖe wò ƒewo le abe amegbetɔwo tɔ ene,+
6 Be nànɔ nye vodadawo me kum tsitotsito,
Eye nànɔ ŋku kem ɖe nye nu vɔ̃wo mea?+
8 Wò ŋutɔ wò asiwoe nètsɔ mèm hewɔm,+
Ke azɔ èbe yeatsrɔ̃m ɖikaa.
10 Ðe mètrɔm kɔ ɖi bɔbɔbɔ abe notsi ene,
Eye nèna mebla abe notsi babla ene oa?
11 Èfa ŋutigbalẽ kple lãkusi ɖe ŋunye,
Eye nède ƒuwo menye hetsɔ lãmeka titriwo lɔ̃m kpe.+
13 Evɔ nèɖo nu siawo dzaa be yeawɔ.*
Menyae nyuie be nu siawo tso gbɔwò.
14 Ne mewɔ nu vɔ̃wo la, wò ŋku anɔ ŋunye,+
Eye màtsɔ nye vodada akem o.
15 Ne meɖi fɔ nyateƒe la, ekema baba nam!
16 Ne mefɔ ta dzi la, àɖem ɖe nu abe dzata ene+
Eye àgaɖe wò ŋusẽ afia ɖe ŋutinye.
17 Àɖo ɖasefo yeyewo ɖe ŋunye
Eye àgado dziku ɖe ŋunye ɖe edzi,
Ale be fukpekpe natre ɖe fukpekpe nu nam.
18 Ke nu ka tae nèna medo tso vidzidɔ me ya?+
Ðe wòle be maku hafi, anye ne ŋku aɖeke mekpɔm o.
19 Anye ne mele abe ame si menɔ agbe kpɔ o ene;
Anye ne wotsɔm tso danye ƒe dɔ me yi ɖaɖi.’