Hiob
38 Eye Yehowa ɖo eŋu na Hiob le ahom me be:+
3 Meɖe kuku, tso nàbla ali dzi abe ŋutsu ene;
Ne mabia nya wò nàɖo eŋu nam.
4 Afi kae nènɔ esime meɖo anyigba la gɔme anyi?+
Ne ènyae la, ekema gblɔe nam.
5 Ame kae ɖo eƒe dzidzemewo, ènyaea?
Alo ame kae da dzidzeka nɛ?
6 Nu ka mee woƒo eƒe anyinɔwo ɖo,
Alo ame kae ɖo eƒe dzogoedzikpe,+
8 Ame kae do ʋɔ ɖe atsiaƒu nu+
Esi wòdo tso vidzidɔ me,
9 Esime metsyɔ alilikpo nɛ,
Eye mexatsa blukɔ ɖe eŋu abe avɔ ene,
10 Esime meɖo seƒe nɛ
Eye mede gametiwo kple ʋɔtruwo enu,+
11 Eye megblɔ be, ‘Afi sia ko nàva se ɖo, màgbɔ eŋu o;
Afi siae wò tsotsoe kpakawo ase ɖo’?+
12 Èɖe* gbe na ŋu be wòake kpɔ,
Alo èfia agudzedze eƒe nɔƒee kpɔ,+
13 Ne wòalé anyigbatogawo
Aʋuʋui be ame vɔ̃ɖiwo nahlẽ ɖa le edzia?+
14 Eƒe nɔnɔme trɔna abe tsu si to nutrenu te ene,
Eye edzinuwo dzena nyuie abe nu si woɖe ɖe avɔ dzi ene.
15 Ke woxɔ ame vɔ̃ɖiwo ƒe kekeli le wo si,
Eye woŋe woƒe alɔ si wodo ɖe dzi la.
18 Èse ale si gbegbe anyigba la kekee gɔmea?+
Ne ènya nu siawo katã la, gblɔe mase.
Afi kae nye viviti nɔƒe,
20 Ne nàkplɔ wo ayi woƒe anyigba dzi,
Eye nànya woƒe aƒe me mɔ?
21 Ðe wodzi wò ɣemaɣi be nàyi esia nya ge
Le esi nètsi xɔ ƒe* geɖe taa?
22 Ðe nède sno ƒe nudzraɖoƒewo kpɔa,+
Alo ɖe nèkpɔ kpetsi ƒe nudzraɖoƒewo kpɔ,+
23 Esiwo medzra ɖo ɖi ɖe xaxaɣi,
Aʋaŋkeke kple aʋakpegbe ŋua?+
25 Ame kae ɖe toƒe na tsiɖɔɖɔ,
Eye wòɖe mɔ na dzikedzo kple dziɖegbe,+
26 Ne wòana tsi nadza ɖe teƒe si ame aɖeke mele o,
Ðe gbedzi, afi si amegbetɔ aɖeke mele o,+
27 Ne wòadzra teƒe siwo zu gbegbe la ɖo nyuie,
Eye wòana gbe namie?+
29 Ame ka ƒe dɔ mee tsikpe do tso,
Eye dziƒoketsiwo ya ɖe, ame kae dzi wo+
30 Esime tsiwo ŋkume sẽ abe kpe ene,
Eye tsi goglo la ŋgɔ bla zu tsikpe?+
32 Ðe nàte ŋu akplɔ ɣletivihatsotso* adoe le eƒe ɣeyiɣi dzi
Alo afia mɔ Ayis ɣletivihatsotso* la kple viawoa?
35 Ðe nàte ŋu adɔ dzikedzowoa?
Ale be woava gblɔ na wò be, ‘Míawoe nye esia!’
37 Ame ka sie nunya le be wòaxlẽ alilikpowo,
Alo ame kae ate ŋu atrɔ dziƒotsizewo abu anyi+
38 Ale be kewɔ nazu bafifi
Eye anyikɔwo nalé ɖe wo nɔewo ŋu?
39 Ðe nàte ŋu ada ade alé nu na dzata,
Alo afa dɔwuame nu na dzataviwo+
40 Ne wotsyɔ akɔ ɖe bebeƒewo
Alo de xa ɖe wo nɔƒewoa?
41 Ame kae dia nuɖuɖu na akpaviã,+
Ne viawo le xɔxlɔ̃m na Mawu be wòaxɔ na yewo,
Eye wole tsatsam le esi naneke meli woaɖu o ta?