Psalmowo
Na henɔ la. Kora viwo+ ƒe ha. Maskil.*
44 Oo Mawu, míesee kple míaƒe to,
Mía tɔgbuiwo gblɔe na mí,+
Wogblɔ nu siwo nèwɔ le wo ŋɔli,
Le blemaŋkekewo me la na mí.
Èfanya dukɔwo eye nènya wo ɖa.+
5 Wò ŋusẽ mee míanya míaƒe ketɔwo aɖo ɖe megbe le;+
Wò ŋkɔ mee míafanya ame siwo tso ɖe mía ŋu la le.+
6 Elabena menye nye dati ŋue mele ŋu ɖom ɖo o,
Eye nye yi mate ŋu axɔ nam o.+
7 Wòe ɖe mí tso míaƒe ketɔwo si me,+
Wòe na ŋukpe lé ame siwo ɖia gbɔ mí la.
8 Mawue míakafu ŋkeke blibo la,
Eye míakafu wò ŋkɔ tegbee. (Sela)
9 Ke fifia ya ètsɔ mí ƒu gbe, ède ŋukpe mo na mí,
Eye mèho yi kple míaƒe aʋakɔwo o.
10 Èna míesi le míaƒe futɔwo nu;+
Eye míaƒe ketɔwo ha mí ale si wodi.
11 Ètsɔ mí de asi abe alẽwo ene ne woavuvu;
Eye nèka mí hlẽ ɖe dukɔwo dome.+
12 Ètsɔ wò dukɔ dzra ho kpɔtsɔe;+
Eye mèkpɔ viɖe aɖeke le wo dzadzra me o.
13 Ètsɔ mí wɔ vlodonu na mía haviwo,
Alɔmeɖenu kple nu ɖikokoe na ame siwo ƒo xlã mí.
15 Ŋu kpeam ŋkeke bliboa katã,
Eye nye ŋukpe nyè tsyɔm,
16 Le woƒe alɔmeɖeɖe kple dzugbe siwo sem mele la ta,
Le míaƒe futɔ la ƒe hlɔ̃biabia ta.
17 Nu siawo katãe dzɔ ɖe mía dzi, ke míeŋlɔ wò be o,
Eye míetu wò nubabla la o.+
18 Míaƒe dzi metrɔ le yowòme o;
Eye míaƒe afɔwo metra le wò mɔ dzi o.
19 Ke èto mí nyanyanya le agbotoewo nɔƒe;
Eye nètsɔ blukɔ tsyɔ mía dzi.
20 Ne ɖe míeŋlɔ mía Mawu ƒe ŋkɔ be
Alo míeke míaƒe asiwo me na mawu tutɔ la,
21 Ðe Mawu manya esia oa?
Elabena enya dzimenu ɣaɣlawo.+
22 Tawòe wole mía wuwu dzi ŋkeke bliboa katã;
Wobu mí abe alẽ siwo woyina wuwu ge ene.+
23 Tso. Oo Yehowa, nu ka tae nèle alɔ̃ dɔm?+
Nyɔ! Mègatsɔ mí ƒu gbe tegbee o.+
24 Nu ka tae nèɣla wò mo?
Nu ka tae nèŋlɔ míaƒe fukpekpe kple míaƒe teteɖeanyi la be?
26 Tso nàkpe ɖe mía ŋu!+
Xɔ na mí, le wò lɔlɔ̃ si nu metsina o la ta.+