Psalmowo
Na henɔ la; Yedutun.* Asaf+ ƒe ha.
77 Mafa avi na Mawu sesĩe;
Mawue mafa avi na, eye aɖo tom.+
2 Medi Yehowa le gbe si gbe meɖo xaxa me.+
Le zã me la, meke nye abɔwo me nɛ ʋuu.*
Megbe be woagafa akɔ nam* o.
4 Èke nye ŋkuyiwo ɖe te;
Metɔtɔ, eye gbɔgblɔ bu ɖem.
5 Nye susu yi blemaŋkekewo dzi,+
Meɖo ŋku gbe aɖe gbe ƒewo dzi.
6 Meɖoa ŋku ha siwo meƒona la dzi le zã me;+
Medea ŋugble le nye dzi me;+
Eye medzroa wo me* tsitotsito.
7 Ðe Yehowa atsɔ mí aƒu gbe tegbeea?+
Eye magave mía nu gbeɖegbeɖe oa?+
8 Ðe eƒe lɔlɔ̃ si nu metsina o la nu yi keŋkeŋua?
Ðe eƒe ŋugbedodo azu dzodzro na dzidzimeawo katã?
9 Ðe Mawu ŋlɔ eƒe amenuveve bea?+
Alo ɖe eƒe dziku wɔe be wòdzudzɔ nublanuikpɔkpɔa? (Sela)
10 Ðe wòle be manɔ gbɔgblɔm be, “Etena ɖe dzinye vevie be,*+
Dziƒoʋĩtɔ la trɔ eƒe nɔnɔme* ɖe mía ŋu” mahã?
11 Maɖo ŋku Yah ƒe dɔwɔwɔwo dzi;
Maɖo ŋku nu wɔnuku siwo nèwɔ le blema ke la dzi.
13 Oo Mawu, wò mɔwo le kɔkɔe.
Oo Mawu, mawu kae lolo de nuwò?+
14 Wòe nye Mawu vavã si wɔa nukunuwo.+
Èɖe wò ŋusẽ fia dukɔwo.+
16 Tsiwo kpɔ wò, Oo Mawu;
Tsiwo kpɔ wò, eye wonyra.+
Eye tɔ goglowo hã dze agbo.
17 Alilikpowo dza tsi bababa.
Dzi ɖe gbe tso alilikpowo me,
Eye wò aŋutrɔwo le ʋɔ lũm le goawo katã me.+