Psalmowo

125 Ame siwo ɖoa ŋu ɖe Yehowa ŋu la+

Le abe Zion To, si mate ŋu aʋã o

Eye wòli tegbee la ene.+

 2 Ale si towo ƒo xlã Yerusalem godoo la,+

Nenemae Yehowa ƒo xlã eƒe dukɔ la,+

Tso fifia yi mavɔmavɔ me.

 3 Ame vɔ̃ɖiwo ƒe fiatikplɔ manɔ anyigba si woka na ame dzɔdzɔewo dzi o,+

Ne ame dzɔdzɔewo nagatrɔ ɖe* nu gbegblẽ wɔwɔ ŋu o.+

 4 Oo Yehowa, wɔ nyui na ame nyuiwo,+

Wɔ nyui na ame siwo ƒe dzi le dzɔdzɔe.+

 5 Ke ame siwo gatrɔ yi woƒe mɔ gɔglɔ̃wo dzi la,

Yehowa akplɔ wo akpe ɖe nu vlo wɔlawo ŋu aƒu gbe.+