Psalmowo
Na henɔ la. David ƒe ha. Kafukafuha. Hadzidzi.
68 Mawu netso, ne eƒe futɔwo naka hlẽ,
Eye ame siwo léa fui la nasi le eŋkume.+
2 Ale si ya kplɔa dzudzɔ dzonae la, nenemae nàkplɔ wo adzoe;
Ale si anyixe lólona le dzo nui la,
Nenemae ame vɔ̃ɖiwo nu ayi le Mawu ŋkume.+
4 Midzi ha na Mawu; midzi kafukafuha* na eƒe ŋkɔ.+
5 Tsyɔ̃eviwo fofo kple ahosiwo takpɔlae*+
Mawu nye, le eƒe kɔkɔeƒe la.+
Ke tosẽlawo* ya atsi kuɖiɖinyigba dzi.+
7 Oo Mawu, esi nènɔ ŋgɔ na wò dukɔ,+
Esi nèzɔ to gbegbe la, (Sela)
9 Oo Mawu, èna tsi dza bababa,
Ègado ŋusẽ wò ame* siwo ŋu ɖeɖi te belibeli la.
10 Wonɔ wò agbadɔwo me;+
Oo Mawu, le wò nyuiwɔwɔ ta nèkpɔ ame dahewo dzi.
12 Aʋakɔwo ƒe fiawo de afɔ du me,+ wode afɔ du me!
Nyɔnu si le aƒe me la hã xɔ aboyonuawo ƒe ɖe.+
13 Togbɔ be mi ŋutsuwo miemlɔ asaɖa ƒe dzowo* gbɔ hã la,
Ahɔnɛ ƒe aʋala siwo ŋu wofa klosalo ɖo,
Kple eƒe fu siwo ŋu wofa sika nyuitɔ ɖo lae miakpɔ.
16 Mi to kɔkɔwo, nu ka tae miele ŋu biãm
To si dzi Mawu tia be yeanɔ la?+
Ɛ̃, afi mae Yehowa anɔ tegbee.+
17 Mawu ƒe aʋatasiaɖamwo le akpe nanewo, wonye akpe teƒe akpewo.+
Yehowa ŋutɔ tso Sinai va kɔkɔeƒe la.+
Èkplɔ aboyomewo yii;
Èxɔ nunana siwo nye amewo,+
Ɛ̃, tosẽlawo gɔ̃ hã,+ be yeanɔ wo dome, Oo Yah, Mawu.
19 Woakafu Yehowa, ame si tsɔa míaƒe agbawo na mí gbe sia gbe,+
Mawu vavã si nye míaƒe xɔnametɔ la. (Sela)
22 Yehowa be: “Makplɔ wo tso Basan agbɔe;+
Makplɔ wo tso atsiaƒu ƒe gogloeƒewo agbɔe,
23 Ne nàklɔ wò afɔ ɖe ʋu me,+
Ne wò avuwo ƒe aɖe nakpɔ wo tɔ gome le futɔwo ŋu.”
24 Oo Mawu, wokpɔ wò aʋadziɖuɖu ƒe gbɔlɔhawo,
Nye Mawu, nye Fia, ƒe aʋadziɖuɖu ƒe gbɔlɔhawo zɔ va kɔkɔeƒe la.+
27 Benyamin,+ si nye woƒe suetɔ la, le wo dzi ɖum,
Yuda-megãwo kple woƒe ame hahooawo,
Kpakple Zebulon-megãwo kple Naftali-megãwo hã.
28 Wò Mawu ɖoe be ŋusẽ naɖo ŋuwò.
Oo Mawu, wò, ame si wɔe na mí, ɖe wò ŋusẽ fia.+
30 Blu ɖe gbemelã siwo le aɖawo me,
Ðe nyitsuwo+ kple nyiviwo ƒe ha la ta,
Va se ɖe esime dukɔwo natsɔ ɖokuibɔbɔ alɔ klosalo vɛ.*
Ka dukɔ siwo lɔ̃a aʋawɔwɔ la ya hlẽ.
33 Na Ame si bɔbɔ nɔ dziƒowo ƒe dziƒo si li tso tititi.+
Kpɔ ɖa! Eɖe gbe, ena eƒe gbe sesẽ la ɖi.
34 Miɖe gbeƒã Mawu ƒe ŋusẽ.+
Eƒe gãnyenye le Israel dzi,
Eye eƒe ŋusẽ le dziŋgɔli* me.
35 Ŋɔdzi le Mawu ŋu le eƒe kɔkɔeƒe gã la.*+
Israel ƒe Mawu wònye,
Ame si naa ŋusẽ kple ŋutete dukɔ la.+
Woakafu Mawu.