Lododowo
26 Abe ale si sno le le dzomeŋɔli kple tsidzadza le le nuŋeɣi ene la,
Nenemae bubu medze bometsila o.+
2 Ale si xevi medzona dzodzro o, eye sagbadre mesaa agba dzodzro o la,
Nenemae fiƒode hã mevana dzodzro o.*
4 Mègaɖo nya ŋu na bometsila ɖe eƒe movidzɔdzɔ nu
Ne wò hã nàva nɔ abe eya ene o.*
5 Ðo nya ŋu na bometsila ɖe eƒe movidzɔdzɔ nu
Ne wòagabu eɖokui nunyalae o.+
6 Ame si de du asi na bometsila
Le abe ame si lã eya ŋutɔ ƒe afɔ hewɔ nu vevi eɖokui* ene.
8 Ne wode bubu bometsila ŋu la,
Ele abe kpee wobla ɖe akafo me ene.+
9 Ale si ŋù le le ahamula si me la,
Nenemae lododo le le bometsila ƒe nu me.
10 Ame si haya bometsila alo ame si tso eme va yina la,
Le abe aŋutrɔdala si le nu sia nu ko dam la ene.*
11 Ale si avu trɔna ɖe eƒe xeɖeɖe ŋui la,
Nenemae bometsila gbugbɔa eƒe bometsinu wɔnae.+
12 Èkpɔ ame si le eɖokui bum nunyalaea?+
Mɔkpɔkpɔ li na bometsila wui.
13 Kuviatɔ be: “Dzata le mɔ dzi,
Dzata le ablɔ me!”+
14 Ale si ʋɔtru trona le eƒe megbega mee la,
Nenemae kuviatɔ nɔa tɔtrɔm le eƒe aba dzii.+
16 Kuviatɔ bua eɖokui nunyalae
Wu ame adre siwo ƒe nyaŋuɖoɖo me susu le.
17 Ame si tso eme va yina, eye dzi kui ɖe dzre si metsɔ egbɔ o ŋu* la,
Le abe ame si lé to na avu ene.+
18 Ale si aɖaʋatɔ daa nu sia nu si dea abi ame ŋu kpakple aŋutrɔ hewua amee la,
19 Nenemae ame si flua ehavi hegblɔna be, “Fefem ko mele!” la le.+
20 Ne nake meli o la, dzo tsina,
Eye ne ameŋugblẽla meli o la, dzre kena.+
21 Ale si aka nana dzo xɔna, eye nake nana dzo bina la,
Nenemae ŋutsu dzrewɔla ƒlɔa dzo ɖe dzre tee.+
24 Fuléla tsɔa eƒe numenyawo ɣlana ame si ƒomevi wònye,
Evɔ beble sɔŋ ye ɣla ɖe dzi me nɛ.
25 Togbɔ be eƒe nyawo vivina hã la, mègaxɔ edzi se o,
Elabena ŋunyɔnu adre le eƒe dzi me.*
26 Ne etsɔ beble tsyɔ eƒe fuléle dzi hã,
Woaklo nu le eƒe vɔɖivɔ̃ɖi dzi le amewo dome.
27 Ame si le ʋe ɖem la, eya ŋutɔ age adze eme,
Eye ame si le kpe mlim la, kpe la atrɔ ava dze eya ŋutɔ dzi.+
28 Alakpaɖe léa fu ame si dome wògblẽ,
Eye nuyi si ɖɔa kesekuku na ame hea gbegblẽ vanɛ.+