Psalmowo
AGBALẼ ETƆ̃LIA
(Psalmowo 73-89)
Asaf+ ƒe ha.
73 Nyateƒee, Mawu wɔ nyui na Israel, na ame siwo dza le dzi me.+
2 Ke nye la, nye afɔ da kloe,
Nye afɔ ɖiɖi kloe.+
6 Eya tae dada zu woƒe kɔgɛ;+
Eye wotsyɔ ŋutasesẽ abe avɔ ene.
7 Woƒe dzidzedzekpɔkpɔ* na woƒe ŋkuwo do hɔ̃;
Nu dze edzi na wo wu ale si wokpɔ mɔe.
8 Woɖea alɔme le amewo ŋu heƒoa nu tso nu vɔ̃ɖiwo ŋu;+
Wotsɔa ameteteɖeanyi doa ŋɔdzi na amewo dadatɔe.+
9 Woƒoa nu abe dziƒo kee wole ene,
Eye woƒe aɖe gblɔa nya sia nya le anyigba ƒe afi sia afi faa.
10 Eya ta eƒe amewo trɔna ɖe wo ŋu,
Va noa woƒe tsi gbogboawo ƒe ɖe.
11 Wogblɔna be: “Aleke Mawu awɔ anya?+
Ðe Dziƒoʋĩtɔ la adze sia?”
12 Ɛ̃, aleae ame vɔ̃ɖiwo le, wole dziɖeɖi me ɣesiaɣi.+
Wodzia kesinɔnuwo ɖe edzi.+
13 Nyateƒee, dzodzroe mena nye dzi dza,
Eye meklɔ nye asi le fɔmaɖimaɖi me.+
16 Esi mebu tame be mase esia gɔme la,
Eɖe fu nam vevie,
17 Va se ɖe esime mege ɖe Mawu ƒe kɔkɔeƒe gã la,
Eye meva dze si ale si wòava nɔ na wo le etsɔme.
18 Nyateƒee, ètsɔ wo ɖo ɖiɖiƒe.+
Èna wodze anyi eye fɔfɔ megale wo ŋu o.+
19 Aleke wotsrɔ̃ kpata ale!+
Aleke woƒe nuwuwu va ŋɔdzitɔe zi ɖeka kpoyi ale!
20 Oo Yehowa, ale si drɔ̃e nɔna ne ame nyɔ tso alɔ̃ me la,
Nenemae ne ètso la, àɖe wo ɖa.*
22 Mezu bometsila kple numanyala;
Menɔ abe lã ene le ŋkuwòme.
25 Ame kae le dziƒo nam?
Nyemele naneke dim le anyigba dzi kpe ɖe ŋuwò o.+
26 Ne wɔna vɔ le nye ŋutilã kple nye dzi ŋu hã,
Mawu akpɔtɔ anye agakpe na nye dzi, kple nye gome tegbee.+
27 Nyateƒee, ame siwo katã te ɖe aga le ŋuwò la atsrɔ̃.
Àna ame siwo katã gbe nuteƒewɔwɔ hetrɔ le yowòme la nu nayi.*+
28 Ke nye la, enyo nam be mate ɖe Mawu ŋu.+
Metsɔ Aƒetɔ Dziɖulagã Yehowa wɔ nye sitsoƒe,
Ne maɖe gbeƒã wò dɔwɔwɔwo katã.+