Psalmowo

115 Míedze nɛ o, Oo Yehowa, míedze nɛ o,*

Ke boŋ wò ŋkɔ lae dze na bubu,+

Le wò amenuveve kple wò nuteƒewɔwɔ ta.+

 3 Mía Mawu le dziƒo;

Nu sia nu si dze eŋu wòbe yeawɔ la, ewɔnɛ.

 4 Woƒe legbawo nye klosalo kple sika,

Amegbetɔ ƒe asinudɔwɔwɔ wonye.+

 5 Nu li na wo, gake womeƒoa nu o;+

Ŋku li na wo, gake womekpɔa nu o;

 6 To li na wo, gake womesea nu o;

Ŋɔti li na wo, gake womeʋẽa nu sena o;

 7 Asi li na wo, gake wometea nu kpɔna o;

Afɔ li na wo, gake womezɔa azɔli o;+

Womeƒoa nu to veme o.+

 8 Ame siwo wɔa wo la anɔ abe woawo ke ene,+

Nenema kee nye ame siwo katã ɖoa dzi ɖe wo ŋu la hã.+

 9 Oo Israel, ɖo dzi ɖe Yehowa ŋu+

—Eyae nye miaƒe kpeɖeŋutɔ kple miaƒe akpoxɔnu.+

10 Oo Aron ƒe aƒe,+ miɖo dzi ɖe Yehowa ŋu

—Eyae nye miaƒe kpeɖeŋutɔ kple miaƒe akpoxɔnu.

11 Mi ame siwo vɔ̃a Yehowa, miɖo dzi ɖe Yehowa ŋu+

—Eyae nye miaƒe kpeɖeŋutɔ kple miaƒe akpoxɔnu.+

12 Yehowa ɖoa ŋku mía dzi, ayra mí;

Ayra Israel ƒe aƒe la;+

Ayra Aron ƒe aƒe la.

13 Ayra ame siwo vɔ̃a Yehowa,

Ðeviwo kple tsitsiawo siaa.

14 Yehowa ana miadzi ɖe edzi,

Ana mia kple mia viwo* miadzi ɖe edzi.+

15 Yehowa neyra mi,+

Eya, dziƒo kple anyigba Wɔla la.+

16 Dziƒo nye Yehowa tɔ,+

Ke etsɔ anyigba na amegbetɔviwo.+

17 Menye ame kukuwoe kafua Yah o;+

Eye menye aʋlimeyila siwo nu ɖoɖoe zi le hãe akafui o.+

18 Ke boŋ míawoe akafu Yah,

Tso fifia yi mavɔmavɔ me.