Hosea

6 “Miva ne míatrɔ ɖe Yehowa ŋu,

Elabena evuvu mí ʋayaʋaya,+ ke ada gbe le mía ŋu.

Afɔ mí le ŋkeke etɔ̃a gbe,

Eye míanɔ agbe le eŋkume.

Ele dodo ge kokoko abe agudzedze ene;

Ava mía gbɔ abe tsidzadza ene,

Abe adatsi si ƒoa anyigba ene.”

Elabena miaƒe lɔlɔ̃ le abe ŋdililikpowo ene,

Ele abe zãmu si nu yina ene.

 5 Esia tae mato nyagblɔɖilawo dzi afli wo;+

Matsɔ nye numenyawo awu wo.+

 6 Elabena lɔlɔ̃ vavã* dzea ŋunye wu vɔsa,

Eye sidzedze Mawu dzea ŋunye wu numevɔsa blibo.+

 8 Gilead nye nu tovo wɔlawo ƒe du,+

Eme yɔ fũu kple afɔteƒe siwo nye ʋu.+

Wowua ame le Sekem mɔ dzi,+

Elabena woƒe nuwɔna nye ŋukpenanu.

Afi mae Efrayim wɔa gbolo le;+

Israel gblẽ kɔ ɖo na eɖokui.+

11 Oo Yuda, woɖo nuŋeɣi ɖi na wò hã,

Ne megaƒo nye dukɔ ƒe aboyomewo nu ƒu hekplɔ wo gbɔe.”+