Psalmowo
AGBALẼ ATƆ̃LIA
(Psalmowo 107-150)
2 Ame siwo Yehowa gbugbɔ ƒle la negblɔ nya sia,
Ame siwo wògbugbɔ xɔ le ketɔ la si,*+
3 Ame siwo nu wòƒo ƒu tso anyigbawo dzi,+
Tso ɣedzeƒe kple ɣetoɖoƒe,
Tso dziehe kple anyiehe.+
4 Wotsa tsaglãla le gbedzi, le gbedadaƒo;
Womekpɔ mɔ si woato ayi du si me woanɔ la o.
5 Dɔ kple tsikɔ wu wo;
Nu te wo* ŋu belibeli.
8 Woada akpe na Yehowa+ ɖe eƒe lɔlɔ̃ si nu metsina o la ta,
Kple eƒe nukudɔ siwo wòwɔ na amegbetɔviwo la ta.+
10 Wo dometɔ aɖewo nɔ blukɔ tsiɖitsiɖi me,
Wonɔ fu kpem le ga me eye wobɔ pã wo.
11 Elabena wogbe Mawu ƒe nya;
Eye wodo vlo Dziƒoʋĩtɔ la ƒe nuxlɔ̃ame.+
12 Ale be wòtsɔ fukpekpe bɔbɔ woƒe dzi ɖe anyi;+
Wodze anyi, eye womekpɔ xɔnametɔ aɖeke o.
13 Woyɔ Yehowa be wòaxɔ na yewo le woƒe xaxa me;
Eye wòɖe wo tso woƒe hiã me.
14 Ekplɔ wo do goe tso blukɔ tsiɖitsiɖi me,
Eye wòtso woƒe kɔsɔkɔsɔwo.+
15 Woada akpe na Yehowa ɖe eƒe lɔlɔ̃ si nu metsina o la ta,+
Kple eƒe nukudɔ siwo wòwɔ na amegbetɔviwo la ta.
16 Elabena egbã akɔbliʋɔtruwo
Eye wòŋe gayibɔgametiwo.+
18 Nuɖuɖu aɖeke megadzroa wo o;*
Eye wogogo ku ƒe agbowo nu.
19 Woyɔa Yehowa be wòaxɔ na yewo le woƒe xaxa me;
Eye wòɖea wo tso woƒe hiã me.
20 Eɖoa eƒe nya ɖa wòdaa gbe le wo ŋu,+
Eye wòɖea wo tso ʋe si me wotsi la me.
21 Woada akpe na Yehowa ɖe eƒe lɔlɔ̃ si nu metsina o la ta,
Kple eƒe nukudɔ siwo wòwɔ na amegbetɔviwo la ta.
22 Woasa akpedavɔ,+
Eye woatsɔ aseyetsotso aɖe gbeƒã eƒe dɔwɔwɔwo.
23 Ame siwo nɔa tɔdziʋuwo me zɔa atsiaƒu dzi,
Eye wotsaa asi le tsi gbanaawo dzi la,+
24 Woawoe kpɔa Yehowa ƒe dɔwɔwɔwo,
Kple eƒe nukudɔwo le tɔ goglowo dzi;+
25 Ahom sesẽwo tuna le eƒe nya nu,+
Ale be wòkɔa ƒutsotsoewo ɖe dzi.
26 Ʋuawo yia dzi boo;
Eye wogadzea tsia me doo.
Dzi ɖena le wo ƒo* le esi woɖo afɔku me ta.
28 Wodoa ɣli na Yehowa le woƒe xaxa me,+
Eye wòxɔna na wo le woƒe hiã me.
29 Enana ahom la dzea akɔ anyi kpoo;
Ale be ƒutsotsoewo dzea eme.+
30 Dzi dzɔa wo be wo nu fa,
Eye wòkplɔa wo yia ʋudzeƒe si dim wole.
31 Woada akpe na Yehowa ɖe eƒe lɔlɔ̃ si nu metsina o la ta,
Kple eƒe nukudɔ siwo wòwɔ na amegbetɔviwo la ta.+
33 Etrɔa tɔsisiwo wòzua gbegbe
Kple tsidzɔƒewo wòzua kuɖiɖinyigba,+
34 Anyigba wɔnu la zua dzenyigba,+
Le edzinɔlawo ƒe nu vɔ̃ɖi wɔwɔ ta.
35 Etrɔa gbegbe wòzua tsita,
Kple kuɖiɖinyigba wòzua tsidzɔƒe.+
38 Eyraa wo, ale be wosɔa gbɔ ŋutɔ;
Menana woƒe nyiwo dzi ɖena kpɔtɔna o.+
39 Ke wogazua ʋɛ eye wobɔbɔa wo ɖe anyi,
Le teteɖeanyi, xaxa kple nuxaxa geɖe ta.
40 Etrɔa vlododo kɔna ɖe bubumewo dzi
Ale be wònana wotsaa tsaglãla le gbegbe, afi si mɔ aɖeke mele o.+
43 Ame si nye nunyala alé ŋku ɖe nu siawo ŋu+
Eye wòade ŋugble le Yehowa ƒe amenuveve geɖeawo ŋu nyuie.+