Hawo Ƒe Ha

3 “Medi ame si melɔ̃na*+ la

Le nye aba dzi le zã me.

 2 Mafɔ ayi aɖatsa le dua me;

Mayi aɖadi nye dzi lɔlɔ̃a le kpɔdomeewo kple ablɔwo me.

 3 Dzɔla siwo le tsatsam le dua me la do gom,+

Eye mebia wo be: ‘Miekpɔ ame si melɔ̃* la nama?’

 4 Nyemekpɔ dze le wo ŋu

Hafi kpɔ ame si melɔ̃* la o.

Meku ɖe eŋu, eye mebe nyemaɖe asi le eŋu o

Va se ɖe esime mekplɔe va danye ƒe me,+

Va ame si dzim la ƒe xɔgã me.

 5 Oo Yerusalem vinyɔnuwo,

Mitsɔ sãde alo zinɔ le gbe me ka atam nam be:

 6 “Ame kae nye ekem tso gbedzi gbɔna abe dzudzɔ babla ene,

Si ŋu mire kple lifi

Kpakple asitsalawo ƒe atike ʋeʋĩ tutu vovovowo le ʋeʋẽm le?”+

Kalẽtɔ blaade ƒo xlãe,

Wonye Israel ŋutsu kalẽtɔwo,+

 8 Yi le wo katã si,

Wobi ɖe aʋawɔwɔ me,

Eye wo dometɔ ɖe sia ɖe ta eƒe yi ɖe aklito

Ne woanɔ ŋudzɔ ɖe zã ƒe ŋɔdzi ŋu.”

 9 “Fia Salomo ƒe apakae,*

Lebanon ƒe atiwoe wòna wotsɔ kpae nɛ.+

10 Wotsɔ klosalo wɔ eƒe afɔwo,

Eye wotsɔ sika wɔ eƒe medeƒe.

Wotsɔ alẽfuvɔ aɖabɛ dzĩtɔ wɔ eƒe anyinɔƒe;

Yerusalem vinyɔnuwoe

Do atsyã ɖe eme lɔlɔ̃tɔe.”

11 “Mi Zion vinyɔnuwo, mido va,

Ne miakpɔ Fia Salomo ɖa,

Eyae nye esi ɖɔ fiakuku* si dadaa+ lɔ̃ nɛ

Le eƒe srɔ̃ɖegbe,

Le eƒe dzi ƒe dzidzɔkpɔgbe.”