Psalmowo
Na henɔ la; ɖe kasaŋkuwo ƒe ɖiɖi dzi. Maskil.* David ƒe ha.
2 Lé to ɖe ŋunye, eye nàtɔ nam.+
Mede vovo ge do kpoe le nye dzimaɖitsitsiwo ta;+
Ðeko nye ame bliboa metɔtɔ
3 Le nya siwo gblɔm futɔ la le,
Kple ame vɔ̃ɖi la ƒe amemiamia ta.
Elabena wolɔ fukpekpe kɔ ɖe dzinye,
Eye wodo dziku helém ɖe dɔme.+
5 Vɔvɔ̃ ɖom, mele dzodzom nyanyanya,
Eye mele ƒoƒom kpakpakpa.
6 Megblɔna ɖaa be: “Ne ɖe aʋala le asinye abe ahɔnɛ ene ɖe!
Anye ne madzo ayi aɖanɔ afi si le dedie.*
7 Kpɔ ɖa! Anye ne masi ayi didiƒe ʋĩi.+
Anye ne mayi aɖanɔ gbedzi.+ (Sela)
8 Mawɔ kaba asi ayi bebeƒe,
Masi le ya ʋuduʋudu la nu, le ahom sesẽ la nu.”
9 Oo Yehowa, na woatɔtɔ, gblẽ woƒe ɖoɖowo me,*+
Elabena mele ŋutasesẽ kple dzrewɔwɔ teƒe kpɔm le dua me.
10 Wozɔa dua ƒe gliwo dzi kpe ɖo zã kple keli;
Ke nu vevi wɔame kple fuɖename le eme.+
11 Gbegblẽ xɔ aƒe ɖe eme;
Eye ameteteɖeanyi kple amebeble megbea eƒe ablɔwo me nɔnɔ o.+
Ðe wònye nye ketɔe tso ɖe ŋunye la,
Anye ne masi le egbɔ aɖabe.
14 Tsi metoa nye kplii dome tsã o;
Míenɔa amehawo dome yia Mawu ƒe aƒe la me.
15 Tsɔtsrɔ̃ neva wo dzi!+
Woneyi Tsiẽ* agbagbee;
Elabena vɔ̃ɖinyenye xɔ aƒe ɖe wo dome, eye wòle dzi me na wo.
16 Ke nye la, Mawue mayɔ;
Eye Yehowae axɔ nam.+
18 Aɖem eye wòana makpɔ* gbɔdzɔe tso ame siwo le avu wɔm kplim la si me,
Elabena ame geɖewoe tso ɖe ŋunye.+
Woawo la, wogbe tɔtrɔ,
Wo, ame siwo mevɔ̃a Mawu o.+
21 Eƒe numenyawo zrɔ̃ drẽdrẽdrẽ wu notsi kpekẽ,+
Evɔ aʋawɔwɔ le eƒe dzi me.
Eƒe nyawo le bɔlɔbɔlɔ wu ami,
Ke yi siwo woɖe ɖe goe wonye.+
Mana ame dzɔdzɔe nadze anyi* akpɔ o.+
23 Ke wò la, Oo Mawu, àtsɔ wo aƒu gbe ɖe do ƒe gogloƒe ke.+
Hlɔ̃dolawo kple nu fitifiti wɔlawo manɔ woƒe agbeŋkekewo ƒe afã o.+
Ke nye ya maɖo dzi ɖe ŋuwò.