Lododowo
21 Fia ƒe dzi le abe tɔʋu ene le Yehowa si me.+
Afi sia afi si Wòlɔ̃ lae wòtrɔnɛ ɖo.+
3 Nu dzɔdzɔe kple nu si le eteƒe wɔwɔ
Dzea Yehowa ŋu wu vɔsa.+
4 Dadaŋkuwo kple dzi si vu gblotoo la
Nye ame vɔ̃ɖiwo ƒe akaɖi, evɔ wòhenye nu vɔ̃.+
7 Ame vɔ̃ɖiwo ƒe ŋutasẽnuwɔwɔe akplɔ wo ayi,+
Elabena wogbe nu si le eteƒe la wɔwɔ.
8 Fɔɖila ƒe mɔwo le gɔdɔ̃gɔdɔ̃,
Ke fɔmaɖila ƒe nuwɔnawo toa mɔ ɖeka.+
11 Ne wohe to na fewuɖula la, ame makpɔnuteƒe dzea nunya,
Eye ne wokpe ɖe nunyala ŋu wòse nuwo gɔme nyuie la, sidzedze sua esi.*+
12 Dzɔdzɔetɔ la dzea si ame vɔ̃ɖiwo ƒe aƒe;
Eye wòkplɔa ame vɔ̃ɖiwo ƒua gbegblẽ me.+
15 Dzidzɔe wònye na ame dzɔdzɔe be yeawɔ nu si le eteƒe,+
Ke ame siwo tsɔ nu vɔ̃ɖi wɔwɔ ɖo dɔe ya la, ŋɔdzie wònye na wo.
16 Ame si tra tso gɔmesese ƒe mɔ dzi la,
Agbɔ ɖe eme le ame kuku siwo ŋu wɔna vɔ le la ƒe ha me.+
18 Ame vɔ̃ɖi nye avulénu ɖe ame dzɔdzɔe nu,
Eye ame mawɔnuteƒe ɖe ame si wɔa nu si le eteƒe nu.+
21 Ame sia ame si tia dzɔdzɔenyenye kple lɔlɔ̃ vavã yome la,
Eƒe asi atu agbe, dzɔdzɔenyenye kple bubu.+
22 Nunyala ate ŋu adze kalẽtɔwo ƒe du dzi
Ahagblẽ woƒe ŋusẽ si ŋu woɖoa dzi ɖo la dome.+
24 Dadala ɖokuiŋudzela si ƒoa adegbe lae woyɔna be
Ŋutsu dadala si wɔa nu ŋumaɖɔɖotɔe.+
25 Kuviatɔ ƒe nudzodzroe wunɛ,
Elabena eƒe asi gbe dɔwɔwɔ.+
26 Nu meɖia ƒo nɛ gbe aɖeke gbe o,
Ke ame dzɔdzɔe ya naa nu, eye memiaa asi ɖe nu dzi o.+
27 Ame vɔ̃ɖi ƒe vɔsa nye ŋunyɔ;+
Ʋuu keke wòahanye be etsɔe vɛ kple susu vɔ̃ɖi!*
30 Nunya alo gɔmesese alo tameɖoɖo aɖeke mate ŋu atsi tre ɖe Yehowa ŋu o.+