Nahum
2 Ame si kaa amewo hlẽna la va ƒo ɖe dziwò.*+
Dzɔ mɔ́ sesẽawo ŋu.
Nɔ mɔ dzi kpɔm.
Bla ali dzi, dzra ɖo kple wò ŋusẽ katã.
2 Elabena Yehowa agbugbɔ Yakob ƒe ŋutikɔkɔe aɖo te
Wòanɔ abe Israel ƒe ŋutikɔkɔe ene,
Elabena nuhalawo ha wo;+
Eye wotsrɔ̃ woƒe wainkawo.
3 Eƒe kalẽtɔwo ƒe akpoxɔnu biã hɛ̃,
Eƒe aʋawɔlawo le awu dzĩ helĩhelĩ me.
Eƒe tasiaɖamŋugawo le dzo dam
Le aʋakpablagbe,
Eye wole akplɔ siwo wotsɔ sesewuti kpa la nyèm.
4 Tasiaɖamwo le zi nyèm le kpɔdomeewo.
Wole du dzi le yiyim le gbɔgbɔm le ablɔwo me.
Wole keklẽm abe akakatiwo ene hele dzo dam abe dzikedzowo ene.
5 Fia la ayɔ eƒe amegãwo.
Woanɔ nu klim anɔ yiyim.
Woɖe abla yi dua ƒe gli gbɔ;
Woɖo mɔxenu la ɖi.
7 Wotso nya me xoxo: Woklo nu le eŋu,
Wokplɔe yi aboyo me, eye eƒe kosiwo fa konyi;
Wole xɔxlɔ̃m abe ahɔnɛwo ene, eye wole akɔta ƒom.
8 Niniwe+ le abe ta si tsi yɔ fũu ene tso edzɔɣi;
Ke azɔ la, wole sisim.
Wodo ɣli be, “Mitɔ! Mitɔ!”
Gake ame aɖeke menyè kɔ o.+
9 Miha klosalo; miha sika!
Elabena kesinɔnuwo sɔ gbɔ taŋtaŋ.
Nu vevi vovovoawo sɔ gbɔ ɖe eme fũu.
10 Woɖi gbɔlo dua, eye wòtsi ƒuƒlu hezu aƒedo!+
Vɔvɔ̃ na dziwo lólo gbanaa, klowo tɔ gu, eye aliwo katã le ƒoƒom,
Mowo katã da tu.
11 Afi kae dzatawo nɔƒe,+ si dzatatsuiwo* ɖua nu le,
Afi si dzata dona tso hekplɔa viawo,
Eye ame aɖeke medoa voɖi na wo o la le?
12 Dzata vuvua nu ale si nu ade viawo nu,
Eye wòmiaa ve na lãwo tsɔ vanɛ na eƒe dzatanɔwo.
Etsɔa nuléle yɔa eƒe dowo fũu
Kple lã siwo wòvuvu la yɔa enɔƒewo.
13 “Kpɔ ɖa, metso ɖe ŋuwò,” aʋakɔwo ƒe Yehowa ye gblɔe,+
“Mana wò aʋatasiaɖamwo nabi le dzudzɔ babla me,+
Wò dzatatsuiwo* atsi yi nu.
Mana wò nuléle nu natso le anyigba dzi,
Eye womagase wò ame dɔdɔwo ƒe gbe azɔ o.”+