Psalmowo
Na henɔ la. David ƒe ha.
Mègana ŋu nakpem gbeɖe o.+
Ðem le wò dzɔdzɔenyenye la ta.+
2 Ƒu to anyi ɖe* ŋunye.
Va kaba nàxɔ nam.+
Nànye agakpe sesẽ nam,
Nànye mɔ́ sesẽ, ne nàɖem.+
5 Asiwò mee metsɔ nye gbɔgbɔ de.+
Oo Yehowa, nyateƒe Mawu,* èɖem.+
6 Melé fu ame siwo ku ɖe legba dzodzro maɖinuwo ŋu,
Ke nye la, Yehowa ŋue meɖoa ŋu ɖo.
7 Matso aseye le wò lɔlɔ̃ si nu metsina o la ta,
Elabena wò ŋku le nye fukpekpewo ŋu;+
Ènya nye nuxaxawo* nyuie.
8 Mètsɔm de asi na futɔ la o,
Ke boŋ èna mele afi si le dedie.*
9 Oo Yehowa, ve nunye, elabena meɖo xaxa me.
Nuxaxa na nu te nye ŋkuwo ŋu,+ eye nu te nye ameti bliboa hã ŋu.*+
Nye ŋusẽ dzi ɖe kpɔtɔ le nye vodada ta;
Eye nu te nye ƒuwo ŋu.+
11 Mezu alɔmeɖenu na nye ketɔwo katã,+
Vevietɔ na hanyeviwo.
Eye mezu bibi na nye ame nyanyɛwo;
Ne wokpɔm le kpɔdomee ko la, wodea afɔ du me.+
12 Woɖem ɖa le woƒe dzi* me eye woŋlɔm be, abe ɖe meku ene;
Mezu abe ze gbagbã ene.
13 Elabena mese ameŋugblẽnya geɖewo;
Ŋɔdzi ɖe to ɖem.+
14 Gake ŋuwòe meɖoa ŋu ɖo, Oo Yehowa.+
Megblɔ be: “Nye Mawue nènye.”+
15 Nye ŋkekewo* le asiwò me.
Ðem tso nye futɔwo kple yonyemetilawo si me.+
16 Kɔ mo ɖe wò subɔla la,+
Eye nàɖem le wò amenuveve la ta.
17 Oo Yehowa, ne meyɔ wò la, mègana ŋu nakpem o.+
18 Na alakpanuyiwo nade ga,+
Nuyi siwo tsɔa dada kple amemabumabu gblɔa nya vlowo ɖe ame dzɔdzɔe ŋu la.
Èdzrae ɖo ɖi na ame siwo vɔ̃a wò la,+
Eye nèɖee fia ame siwo si wò tso la, le amegbetɔviwo katã ŋkume.+
20 Àɣla wo ɖe ɣaɣlaƒe si le ŋkuwòme,+
Tso ame siwo le nugbe ɖom ɖe wo ŋu la si me.
Àɣla wo ɖe wò agbadɔ me
22 Ke nye la, vɔvɔ̃ ɖom, eye megblɔ be:
“Woatsrɔ̃m ɖa keŋkeŋ le ŋkuwòme.”+
Gake èse nye kokoƒogbe esi medo ɣli na wò.+