Amekae wɔ wò?

1 Mawue wɔ dziƒo kple anyigba.—Mose I, 1:1

2 Ŋkɔ le Mawu si. Eŋkɔe nye Yehowa.—Psalmo 83:19

Dziƒoe nye Yehowa nɔƒe. Gbɔgbɔe wònye. Màte ŋu akpɔe kple ŋku o.—Yesaya 66:1; Yohanes 1:18; 4:24

3 Yehowa Mawu wɔ mawudɔla geɖe ɖe dziƒo. Gbɔgbɔe woawo hã wonye. Wo katã nye nu nyui wɔlawo. Tsã la, wotsɔa amegbetɔ ƒe nɔnɔme dona ɣeaɖewoɣi be amegbetɔwo nate ŋu akpɔ wo.—Hebritɔwo 1:7

4 Yehowa wɔ lãwo gbaɖegbe ʋĩi ke hafi va wɔ ame.—Mose I, 1:25

5 Yehowa wɔ ŋutsu aɖe hã si ŋkɔe nye Adam, eye srɔ̃a ŋkɔe nye Xawa.—Mose I, 1:27

Mawu da wo ɖe abɔ nyui aɖe alo paradiso me. Nyɔnu ɖeka koe wòwɔ na Adam wònye srɔ̃a. Srɔ̃ ɖeka ma koe wòle be ŋutsua nanɔ anyi kplii.—Mose I, 2:8, 21, 22, 24

6 Amegbetɔ nye luʋɔ.—Mose I, 2:7

7 Lãwo hã nye luʋɔwo.—Mose I, 1:24