Ðe Dzi Medzɔa Wò Oa?

1. Ðe dzi medzɔa wò oa?

Ne èɖe gbeƒã kple dzo,

Ne èfia nyateƒe la

wòde dzi gbɔ na ’me’o.

Èwɔ tɔwò sinua;

Yehowa awɔ susɔea.

’Yae ahe dzinyuitɔwo

ava eɖokui gbɔ.

2. Ðe dzi medzɔa wò oa?

Ne èkpɔ dzinyuitɔwo

Woɖe afɔ nyuiwo be

woava ’gbemɔ la dzi.

Am’aɖe’o gbea nya nyuia,

ɖe’o hã doa dziku vevie.

Gake míekpɔa dzidzɔ be

Mawu ƒe dɔ míewɔ.

3. Ðe dzi medzɔa wò oa?

Be Mawu doa ŋusẽ mí

Le míaƒe gbeƒãɖeɖe

kple nufiafiadɔa me.

’Ya ta míado vevie

afia nu kple dzideƒo,

Adi ame siwo dze;

’labe nuwuwua ɖo.