Nu Si Ta Míekpɔa Dzidzɔ Ðo

1. Míaƒe dzidzɔtsoƒewo sɔ gbɔ,

Kesinɔnu mavɔ wonye.

Dukɔwo ƒe nu vevitɔwo

Le Mawu ƒe aƒea me vam.

Míaƒe dzidzɔ la li ke sesĩe,

Mawu ƒe Nya dzie míetui ɖo.

Míesrɔ̃a nu tso eme gbe sia gbe,

Míexɔa nu si’o míesrɔ̃ dzi se.

Dzidzɔ sia xɔ míaƒe dziwo me,

Le bibim abe dzo ene.

Ne xaxawo va mía dzi hã la,

Ma’u doa ŋusẽ mí míedoa dzi.

2. Mawu ƒe nuwɔwɔwo nya kpɔ:

Dziƒo, atsiaƒu, anyigba.

Ne míekpɔ ’ƒe nuwɔwɔwo la,

Míekafunɛ nu siawo ta.

’Ya ta mina míagblɔ eŋu nya;

Míaɖe gbeƒã Fiaɖuƒe la.

Míakaka eɖoɖo anyi kple

Eƒe yayrawo ŋu nya nyuia,

Be dzidzɔ mavɔwo tu aƒe

Abe agudzedze ene.

’Nyigba yeyea kple dziƒo yeyea

Ahe yayra mavɔwo vɛ.