Míadzɔ Míaƒe Dzi Ŋu

1. Míadzɔ míaƒe dzi ŋu vevie;

Nu vɔ̃ɖiwo míatsri.

Mawu dzroa dzia me hekpɔna

Ame si koŋ míenye.

Dzi la ate ŋu able mí,

Ana be míatra mɔ.

Mawu ƒe Nya nafia mɔ mí

Míanɔ eƒe mɔa dzi.

2. Dzi dzadzɛ me míadi Mawu,

Ado gbe ɖa vevie.

Míaʋu míaƒe dziwo me nɛ,

Akafui gbe sia gbe.

Nu si’o Yehowa fiaa mí la,

Mina míawɔ wo dzi.

Míanye nuteƒewɔlawo,

Aɖo toe ɣesiaɣi.

3. Míadzɔ dzi la ŋu gbe sia gbe,

Aɖe susu vɔ̃ ɖa.

Mawu ƒe Nya la naʋã mí

Be míawɔ nu dzɔdzɔe.

Míeka ɖe edzi be Mawu

Lɔ̃a nuteƒewɔla.

Ta míasubɔe kple dzi blibo,

Anye exɔlɔ̃ ɖaa.